𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒Í𝐏𝐈𝐔 𝐋𝐀𝐔𝐓É𝐌 𝐇𝐀𝐌𝐔𝐓𝐔𝐊 𝐇𝐎 𝐅𝐀𝐌Í𝐋𝐈𝐀 𝐌Á𝐑𝐓𝐈𝐑 𝐊𝐎𝐌𝐄𝐌𝐎𝐑𝐀 𝐋𝐎𝐑𝐎𝐍 𝐋𝐄𝐕𝐀𝐍𝐓𝐀𝐌𝐄𝐍𝐓𝐔 𝐀𝐑𝐌𝐀𝐃𝐀 𝐁𝐀 𝐃𝐀𝐋𝐀 𝟒𝟑 𝐈𝐇𝐀 𝐀𝐋𝐃𝐄𝐈𝐀 𝐏𝐎𝐑𝐎𝐒

Lospalos rcl vp 11-08-2026=Autoridade Munisipál Lautém  ho Família Mártires sira hala’o komemorasaun loron Levantamentu Armada ba dala 43 iha Aldeia Poros, Suku Mehara, Postu Administrativu Tutuala, Munisípiu Lautém.

Prezidente Autoridade Munisípiu Lautém 𝐌é𝐥𝐢𝐨 𝐝𝐞 𝐉𝐞𝐬𝐮𝐬  hateten, loron ohin espesiál Aldeia Poros, Suku Mehara, Postu Administrativu Tutuala, Munisípiu Lautém, tanba loron 8 Fulan Agosto to ona komemora ba dala 43 ba ita-nia ema sira ne’ebé fó nia an tomak ba rai ida ne’e hodi hetan Independensia liu-liu iha Suku Mehara, tanba Mártires sira iha Suku Mehara kuaze hamutuk 30 resin.

‘’ Loron ohin espesiál Aldeia Poros, Suku Mehara, Postu Administrativu Tutuala, Munisípiu Lautém, tanba loron 8 Fulan Agosto to ona komemora ba dala 43 ba ita-nia ema sira ne’ebé fó nia an tomak ba rai ida ne’e hodi hetan Independensia liu-liu iha Suku Mehara, tanba Mártires sira iha Suku Mehara kuaze hamutuk 30 resin no ohin ita hotu iha fatin ida ne’e hodi selebra loron Levantamentu de Armada ne’ebé hanoin hikas ba kotuk ba dala 43, tanba ne’e ba Veterano/a sira hotu atu motiva no hatudu ezemplu ne’ebé di’ak ba joven foin sa’e sira atu nune’e bele banati tuir ne’ebé uluk luta ba rai ida ne’e  ita hetan  nia Independensia. No Atividade Levantamentu ida ne’e organiza husi família martir sira ne’ebé kada tinan hala’o liu husi Komisaun Organizadora atu nune’e bele hanoin hikas nafatin martir sira ne’ebé uluk dedika an ba rai ida ne’e.

Entertantu: Atividade ida ne’e mós Komisaun Organiza organiza misa agradesimentu ne’ebé lidera husi Amo Parokia Mehara 𝐉𝐨ã𝐨 𝐉𝐞𝐫𝐨𝐧𝐢𝐦𝐨 𝐒𝐚𝐫𝐦𝐞𝐧𝐭𝐨, ne’ebé hala’o iha Kapela Poros no kontinua kari Ai-Funan no Sunu Lilin ba monumentu Poros.

Jornalista;nito

Editor;El