Lospalos rcl vp 23-10-2026= Festival Fronteira iha Munisípiu Lautém la’ós de’it sai nu’udar espasu atu promove arte no kultura, maibé mós plataforma importante ida atu hametin ekonomia azul, promove diálogu entre juventude no haforsa kooperasaun entre komunidade fronteira marítima Timor-Leste no Indonézia.
Sekretáriu Estadu Arte no Kultura (SEAK), Jorge Soares Cristóvão, hateten festival ne’e ho objetivu atu aproxima komunidade sira, liuliu juventude husi Timor-Leste no Nusa Tenggara Timur (NTT), Indonézia, ne’ebé iha ligasaun istórika, kultura no família.
‘’Festival ne’e ho objetivu atu aproxima komunidade sira, liuliu juventude husi Timor-Leste no Nusa Tenggara Timur (NTT), Indonézia, ne’ebé iha ligasaun istórika, kultura no família.
liuhusi atividade kultura, organizadór sira hakarak simu no fó boas-vindas ba konvidadu sira husi NTT no Dili atu hamutuk partisipa iha festival ne’e, hodi promove amizade, komprensaun mútua no kooperasaun entre komunidade rua no Festival Fronteira ne’e la limita de’it ba aprezentasaun arte no kultura, maibé mós fó atensaun ba importánsia ekonomia azul no papél Gabinete Fronteira Marítima nian atu promove dezenvolvimentu iha área fronteira marítima’’ .Dehan Sekretáriu Estadu Arte no Kultura (SEAK), Jorge Soares Cristóvão
Jorge Soares Cristóvão mos hateten seleksaun Lospalos nu’udar fatin ba festival ne’e iha relasaun ho importánsia fronteira marítima, ne’ebé presiza hetan atensaun liuhusi diálogu, kooperasaun no atividade ne’ebé envolve komunidade sira.
Secretario Estado Jorge Soares Cristóvão mos subliña juventude husi Timor-Leste no Indonézia, liuliu sira ne’ebé iha ligasaun família no kultura, bele sai ponte importante ida atu hametin relasaun entre jerasaun foun husi komunidade rua.
‘’ Juventude husi Timor-Leste no Indonézia, liuliu sira ne’ebé iha ligasaun família no kultura, bele sai ponte importante ida atu hametin relasaun entre jerasaun foun husi komunidade rua’’
Entertantu : iha loron tuirmai, sei hala’o semináriu ida ho partisipasaun Primeiru-Ministru nu’udar oradór prinsipál, atu fó oportunidade ba partisipante sira atu diskute asuntu relevante sira kona-ba dezenvolvimentu no kooperasaun.
Jornalista;Sili
EditorEl
