𝗔𝗨𝗧𝗢𝗥𝗜𝗗𝗔𝗗𝗘 𝗠𝗨𝗡𝗜𝗦𝗜𝗣Á𝗟 𝗟𝗔𝗨𝗧É𝗠 𝗛𝗔𝗟𝗔’𝗢 𝗟𝗜𝗠𝗣𝗘𝗭𝗔 𝗝𝗘𝗥Á𝗟 𝗜𝗛𝗔 𝗙𝗔𝗧𝗜𝗡 𝗦𝗘𝗥𝗜𝗠Ó𝗡𝗜𝗔 𝗙𝗘𝗦𝗧𝗜𝗩𝗔𝗟 𝗙𝗥𝗢𝗡𝗧𝗘𝗜𝗥𝗔 𝗜𝗛𝗔 𝗖𝗢𝗠

Lospalos rcl vp 22-10-2026= Funsionáriu sira husi Administrasaun Autoridade Munisipál Lautém, ne’ebé lidera hosi Xefe Gabinete Prezidente Autoridade Munisipál, hala’o atividade limpeza jerál iha fatin serimónia Festival Fronteira, iha tasi-ibun Com, Postu Administrativu Lautém.

Iha atividade ne’e, funsionáriu sira halibur no rekolla fo’er sira iha área serimónia nian, atu lori ba fatin soe fo’er ho uza kareta kamioneta ne’ebé hetan apoiu hosi Servisu Munisipál Água, Saneamentu no Ambiente (SMASA).

Enkuantu, ekipa SMASA prepara mós infraestrutura no sistema fornecimentu bee moos, atu bele uza durante hala’o serimónia Festival Fronteira.

Aleinde ne’e, komunidade lokál sira mós hahú prepara fatin no uma-kaiu ba atividade gastronomia, ne’ebé sei sai parte ida hosi programa Festival Fronteira iha Com.

Atividade limpeza jerál ne’e nu’udar esforsu hamutuk entre funsionáriu sira no komunidade lokál, atu asegura katak fatin serimónia nian moos, organiza di’ak no prontu atu simu partisipante sira iha Festival Fronteira.

Jornalista;Silisy

Editor;sisy