𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒𝐈𝐏Á𝐋 𝐋𝐀𝐔𝐓É𝐌 𝐀𝐓𝐔𝐀𝐋𝐈𝐙𝐀 𝐏𝐑𝐄𝐏𝐀𝐑𝐀𝐒𝐀𝐔𝐍 𝐈𝐍𝐀𝐆𝐔𝐑𝐀𝐒𝐀𝐔𝐍 𝐌𝐎𝐍𝐔𝐌𝐄𝐍𝐓𝐔 𝐌𝐎𝐍𝐒𝐄𝐍𝐇𝐎𝐑 𝐌𝐀𝐑𝐓𝐈𝐍𝐇𝐎 𝐃𝐀 𝐂𝐎𝐒𝐓𝐀 𝐋𝐎𝐏𝐄𝐒

Lospalos rcl vp 22-09-2026= Autoridade Munisipál Lautém,  atualiza situasaun kona-ba preparasaun ba inagurasaun Monumentu 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, iha suku mehara postu administrative Tutuala Munisipio lautém.

Prezidente Autoridade Munisipál Lautém  Melio de Jesus hateten Komisaun Organizadora prepara ona sekuénsia programa ba eventu inagurasaun monumentu nian. Tamba Programa  ne’e sei hahú ho Misa Agradesimentu iha tuku 09:00 dader, ne’ebé sei prejide husi Bispo Diocese Baucau, Dom Leandro Maria Alves.

‘’ Komisaun Organizadora prepara ona sekuénsia programa ba eventu inagurasaun monumentu nian. Tamba Programa  ne’e sei hahú ho Misa Agradesimentu iha tuku 09:00 dader, ne’ebé sei prejide husi Bispo Diocese Baucau, Dom Leandro Maria Alves,tamba  Depois de Misa agradesimentu , sei iha han hamutuk no kontinua ho preparasaun ba serimónia inagurasaun. Serimónia inagurasaun Monumentu 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, sei hala’o iha tuku 02:00 lokraik, ne’ebé sei prejide husi Komandante-em-Xefe das FALINTIL, 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼’’

Prezidente Autoridade Munisipál Lautém esplika katak konvite ba autoridade no konvidadu sira mai liu husi Sua Excelénsia Primeiru-Ministru RDTL, liu husi Sua Excelénsia Ministru Administrasaun Estatal. Ba konvidadu sira ne’ebé mai husi alta entidade nasional, responsabilidade konvite no partisipasaun nian koordena iha nível nasional.

Prezidente Autoridade Munisipál Lautém mos hateten ,Veteranu no Veterana sira sei sai parte importante iha eventu ida ne’e, tanba sira mak entre parte prinsipál sira ne’ebé sei hola parte iha prosesu inagurasaun Monumentu Monsenhor Martinho da Costa Lopes.

‘’ Veteranu no Veterana sira sei sai parte importante iha eventu ida ne’e, tanba sira mak entre parte prinsipál sira ne’ebé sei hola parte iha prosesu inagurasaun Monumentu Monsenhor Martinho da Costa Lopes. No alende husi Veteranu no Veterana sira, konvidadu sira inklui membru Parlamentu Nasionál, membru Governu, Xefe Estadu-Maior F-FDTL, Bispo Diocese Baucau, Diocese Maliana no Diocese Díli, ne’ebé sei fó lembransa, no mos reprezentante Vatikanu iha Timor-Leste. No Kona-ba preservasaun no konservasaun monumentu no uma, Exelénsia Prezidente Autoridade Munisipál Lautém esplika katak, Autoridade Munisipál simu ona orientasaun husi Sua Excelénsia Ministru Administrasaun Estatal (MAE) kona-ba responsabilidade ba manutensaun monumentu no uma ne’ebé sei entrega ba Munisípiu. Ho orientasaun husi  monumentu no patrimóniu ne’ebé sei entrega ba Munisípiu sei hetan atensaun liu husi alokasaun orsamentu anual, atu bele asegura manutensaun, preservasaun no konservasaun nafatin ba gerasaun sira tuir mai.

Jornalista;Syli

Editor;El