𝐂𝐈𝐓𝐋 𝐅𝐚𝐬𝐢𝐥𝐢𝐭𝐚 𝐅𝐨𝐫𝐦𝐚𝐬𝐚𝐮𝐧 𝐉𝐨𝐫𝐧𝐚𝐥í𝐳𝐦𝐮 𝐃𝐚𝐝𝐮𝐬 𝐛𝐚 𝐉𝐨𝐫𝐧𝐚𝐥𝐢𝐬𝐭𝐚 𝐍𝐚’𝐢𝐧 𝟐𝟗

Lospalos rcl vp 11-08-2026=Conselho de Imprensa de Timor-Leste (CITL) fasilita formasaun Jornalízmu Dadus ba jornalista na’in 29 durante loron tolu, hahu husi 4 to’o 6 Agostu 2026, iha salaun enkontru Conselho de Imprensa, Quintal Boot, Dili.

Formasaun ne’e  ho nia  objetivu atu hasa’e kapasidade no koñesimentu jornalista sira iha área jornalízmu dadus, atu bele produz reportajen ne’ebé bazeia ba dadus, kle’an no kredivel.

Iha serimónia enseramentu, Prezidente Conselho de Imprensa, 𝐀𝐧𝐭𝐨𝐧𝐢𝐨 𝐌. 𝐝𝐚 𝐂. 𝐌. 𝐌𝐚𝐥𝐢,  hato’o agradesimentu ba formadór, 𝐏𝐫𝐢𝐲𝐚𝐦𝐛𝐨𝐝𝐨, tanba nia fahe ona nia esperiénsia no koñesimentu ba jornalista Timoroan sira durante formasaun ne’e.

‘’Hau fo  agradesimentu ba formadór, 𝐏𝐫𝐢𝐲𝐚𝐦𝐛𝐨𝐝𝐨 𝐑𝐇, tanba nia fahe ona nia esperiénsia no koñesimentu ba jornalista Timoroan sira durante formasaun ne’e.

Prezidente CITL hateten, jornalízmu dadus sai hanesan dezafiu ida ne’ebé importante ba dezenvolvimentu mídia iha Timor-Leste. Tuir nia, Primeiru-Ministru Timor-Leste dala barak bolu atensaun ba jornalista sira atu halo investigasaun no peskiza kle’an, atu  fo informasaun ne’ebé públika bazeia ba dadus no faktu, la’ós deit opiniaun ka deklarasaun.
‘’Jornalízmu dadus sai hanesan dezafiu ida ne’ebé importante ba dezenvolvimentu mídia iha Timor-Leste. Tuir nia, Primeiru-Ministru Timor-Leste dala barak bolu atensaun ba jornalista sira atu halo investigasaun no peskiza kle’an, atu  fo informasaun ne’ebé públika bazeia ba dadus no faktu, la’ós deit opiniaun ka deklarasaun.Tamba Iha era dijitál ohin loron, jornalista labele depende de’it ba entrevista. Jornalista tenke hatene buka, análiza no interpreta dadus atu produz reportajen ne’ebé kle’an, no bele aumenta konfiansa públiku ba mídia,” dehan Antonio Mali.

Prezidente CITL dehan ba formandu sira katak, ba oin jornalizmu dadus labele hela hanesan buat bain-bain ida maibé sai hanesan kultura ida ba mídia idak-idak hodi bele buka dadus, analiza dadus, nune’e bele produs notisia ne’ebé kredivel bazeia ba peskiza.

‘’ Ba oin jornalizmu dadus labele hela hanesan buat bain-bain ida maibé sai hanesan kultura ida ba mídia idak-idak hodi bele buka dadus, analiza dadus, nune’e bele produs notisia ne’ebé kredivel bazeia ba peskiza,Tamba hau  espera katak koñesimentu ne’ebé hetan husi formasaun ida ne’e bele aplika iha servisu lorloron, atu mídia sira iha Timor-Leste bele produz kontéudu jornalístiku ne’ebé bazeia ba evidénsia, promove transparénsia, akuntabilidade no suporta prosesu dezenvolvimentu nasaun.

Formadór ba formasaun ne’e mak 𝐏𝐫𝐢𝐲𝐚𝐦𝐛𝐨𝐝𝐨 𝐑𝐇, antigu jornalista iha Ajénsia Notisioza Indonesia 𝐀𝐍𝐓𝐀𝐑𝐀, eis Diretór𝐋𝐞𝐦𝐛𝐚𝐠𝐚 𝐏𝐞𝐫𝐬 𝐃𝐫. 𝐒𝐨𝐞𝐭𝐨𝐦𝐨 (𝐋𝐏𝐃𝐒), 𝐉𝐚𝐤𝐚𝐫𝐭𝐚,  no atualmente servisu hanesan formadór no ezaminadór kompeténsia jornalista iha 𝐃𝐞𝐰𝐚𝐧 𝐏𝐞𝐫𝐬 𝐈𝐧𝐝𝐨𝐧𝐞𝐬𝐢𝐚.

Durante loron tolu nia laran, partisipante sira aprende kona-ba prinsípiu jornalízmu dadus, métodu buka no verifika dadus, analiza informasaun, no oinsá transforma dadus sai reportajen ne’ebé fasil atu komprende no iha impaktu ba públiku.

Ikus liu, Prezidente CITL, Diretór Ezekutivu, Diretór DADM, hamutuk ho formadór entrega sertifikadu ba partesipante sira ne’ebé konsege tuir formasaun refere durante loron tolu to’o remata.

Entertantu: Jornalista na’in 29 ne’ebé tuir formasaun ne’e  mai  husi  Media Mudansa, Timor Post, GMN, Radio Lorico Lian, TATOLI.IP ,Online SapNews.tl), Media Demokrasia, Media One Timor, RTTL. EP, Online Loluwari, Jornál Dili Post, Jornál Independente, Rojert S. F. de Fatima RaKom Oe-cussi, , RaKom Maliana, RaKom Ermera, RaKom Liquiça, RaKom Covlima, RaKom Same), RaKom Maubisse), RaKom Aileu), RaKom Manatuto, RaKom Baucau, RaKom Viqueque, RaKom Lospalos, RaKom Lospalos, Online Lian Orluli.

Jornalista;nito

Editor;El