Lospalos rcl vp 24-08-2026=Autoridade Munisipál Lautém, nu’udar Komité Orientadór, organiza enkontru ho Assosiasaun Desportu sira iha Munisípiu Lautém, hodi diskute no forma Komisaun Organizadora ba Festival Desportu Paralímpiku ne’ebé sei hala’o iha fulan Novembru 2026.
Prezidente Autoridade Munisipál Lautém,Melio de Jesus hateten enkontru ne’e importante tebes atu prepara no forma uluk Komisaun Organizadora Munisipál, tanba tuir planu Ministériu Juventude, Desportu, Arte no Kultura (MJDAK), Festival Desportu Paralímpiku sei hala’o iha fulan Novembru 2026.
“enkontru ne’e importante tebes atu prepara no forma uluk Komisaun Organizadora Munisipál, tanba tuir planu Ministériu Juventude, Desportu, Arte no Kultura (MJDAK), Festival Desportu Paralímpiku sei hala’o iha fulan Novembru 2026.tamba ne’e Mai ita forma uluk Komisaun Organizadora Munisipál, nune’e komisaun bele hala’o preparasaun no servisu hotu-hotu, inklui prepara atleta sira ne’ebé sei reprezenta Munisípiu Lautém iha festival ne’e,” dehan Prezidente Autoridade Munisipál Lautém.
tamba Festival ne’e sei envolve Munisípiu sira hotu iha Timor-Leste, no Munisípiu Lautém mos sei partisipa. Durante diskusaun ho Ministériu Juventude, Desportu, Arte no Kultura, mos diskute kona-ba modalidade desportu sira ne’ebé sei hala’o iha festival, ho total 𝟏𝟏 𝐦𝐨𝐝𝐚𝐥𝐢𝐝𝐚𝐝𝐞.tamba Partisipante sira iha enkontru konkorda katak preparasaun ba Festival Desportu Paralímpiku tenke hahú lalais, atu garante partisipasaun atleta sira husi Munisípiu Lautém. Depois Festival Desportu Paralímpiku remata, sei haree mos ba posibilidade atu hala’o Festival Desportu Munisipál, maibé ida-ne’e sei depende ba realizasaun no rezultadu husi Festival Desportu Paralímpiku.
Iha parte seluk, atleta sira ne’ebé sei reprezenta Munisípiu Lautém sei prepara no hili tuir prosesu seleksaun. Federasaun desportiva sira sei halo selesaun ba atleta sira ne’ebé iha kualifikasaun no potensial, ho objetivu atu dezenvolve sira nia kapasidade no prepara sira ba futuru, inklui oportunidade atu reprezenta Timor-Leste iha kompetisaun desportiva internasionál.ho kompromisu katak husi entidade no assosiasaun desportiva sira atu hamutuk suporta prosesu preparasaun no organizasaun Festival Desportu Paralímpiku iha Munisípiu Lautém ho susesu.
Entertantu:Enkontru ne’e hala’o iha Sala VIP Administrasaun Autoridade Munisipál Lautém, ho partisipasaun husi Sekretáriu Munisipál ba Assuntu Sosiais no Organizasaun Komunitária, Diretór Servisu Munisipál Finansas, Vise-Prezidente Federasaun Futebol Lautém, Vise-Prezidente CDTL, no reprezentante sira husi Assosiasaun Desportu iha Munisípiu Lautém.
Jornalista;silisy
Editor;El
