𝗔𝗜𝗙𝗔𝗘𝗦𝗔 HALAO 𝗔𝗧𝗜𝗩𝗜𝗗𝗔𝗗𝗘 𝗗𝗜𝗩𝗨𝗟𝗚𝗔𝗦𝗔𝗨𝗡 𝗜𝗡𝗙𝗢𝗥𝗠𝗔𝗦𝗔𝗨𝗡 𝗕𝗔 𝗢𝗣𝗘𝗥𝗔𝗗Ó𝗥 𝗘𝗞𝗢𝗡Ó𝗠𝗜𝗞𝗨 𝗦𝗜𝗥𝗔 𝗜𝗛𝗔 𝗠𝗨𝗡𝗜𝗦Í𝗣𝗜𝗨 𝗟𝗔𝗨𝗧É𝗠

Lospalos rcl vp 05-10-2026= Autoridade Inspesaun no Fiskalizasaun ba Atividade Ekonómika, Sanitária no Alimentár (AIFAESA) hala’o atividade divulgasaun informasaun ba operadór ekonómiku sira iha Postu Administrativu Lospalos, Munisípiu Lautém.

No Atividade ne’e, iha objetivu prinsipál atu hadi’a koñesimentu no komprensaun husi negosiante sira kona-ba obrigasaun atu hala’o atividade negósiu tuir lei no regulamentu ne’ebé estabelese ona, hodi prevene infrasaun no garante seguransa ba konsumidór sira.

Reprezentante Prezidente Autoridade Munisipál Lautém, Sekretáriu Munisipál ba Assuntu Sosiais no Organizasaun Komunitária, 𝗙𝗿𝗮𝗻𝗰𝗶𝘀𝗰𝗼 𝗗𝗼𝘀 𝗦𝗮𝗻𝘁𝗼𝘀, hateten , AIFAESA iha papél importante atu garante actividade negósiu ne’ebé saudavel no justu, liu husi kontrolu no fiskalizasaun ba vendedór sira atu kumpre regulamentu ne’ebé estabelese ona.

‘’ AIFAESA iha papél importante atu garante actividade negósiu ne’ebé saudavel no justu, liu husi kontrolu no fiskalizasaun ba vendedór sira atu kumpre regulamentu ne’ebé estabelese ona,Tanba ne’e, Autoridade Munisipál Lautém husu ba vendedór, inklui na’in restaurante sira, atu tau atensaun ba regra no regulamentu sira ne’ebé aplika, hodi nune’e produtu no ai-han ne’ebé fa’an ba konsumidór sira labele hamosu impaktu negativu ba saúde.hau mós husu ba partisipante sira atu tau atensaun máximu ba atividade divulgasaun ne’e, ne’ebé hala’o durante loron ida, atu nune’e partisipante sira bele komprende di’ak liután kona-ba lala’ok no obrigasaun sira tuir área negósiu ida-idak.hateten Reprezentante Prezidente Autoridade Munisipál Lautém, Sekretáriu Munisipál ba Assuntu Sosiais no Organizasaun Komunitária fransisco dos santos

Iha fatin hanesan, Koordenadór Servisu Deskoncentradu Rejiaun Leste AIFAESA, I.P. iha Munisípiu Baucau, 𝗗𝗮𝘃𝗶𝗱 𝗕𝗲𝗹𝗮𝗿𝗺𝗶𝗻𝗼 𝗦𝗼𝗮𝗿𝗲𝘀, esplika katak ,objetivu husi atividade divulgasaun ne’e mak atu fahe informasaun no hasa’e koñesimentu negosiante sira kona-ba enkuadramentu legál ne’ebé regula atividade ekonómika.

‘’ Objetivu husi atividade divulgasaun ne’e mak atu fahe informasaun no hasa’e koñesimentu negosiante sira kona-ba enkuadramentu legál ne’ebé regula atividade ekonómika.tamba  AIFAESA iha papél atu hala’o inspesaun no fiskalizasaun ba atividade ekonómika, inklui atividade relasiona ho ai-han no la’ós ai-han, atividade lisensiamentu, no atividade sira iha setór komérsiu, indústria no turizmu,tamba komunidade iha direitu atu hala’o atividade negósiu, maibé iha mós devér atu kumpre regulamentu no regra sira ne’ebé estabelese husi Estadu no Governu.no  atividade divulgasaun hanesan ne’e konsidera importante tebes atu permite AIFAESA no operadór ekonómiku sira fahe informasaun, troka hanoin no aumenta komprensaun kona-ba obrigasaun no responsabilidade nebe hala’o atividade ekonómika nian.’’hateten Koordenadór Servisu Deskoncentradu Rejiaun Leste AIFAESA, I.P. iha Munisípiu Baucau, 𝗗𝗮𝘃𝗶𝗱 𝗕𝗲𝗹𝗮𝗿𝗺𝗶𝗻𝗼 𝗦𝗼𝗮𝗿𝗲𝘀

Ebtertantu:Atividade ne’e remata ho apelu ba partisipante sira atu uza no fahe informasaun ne’ebé hetan durante  halao atividade, hodi bele kontribui ba realizasaun atividade negósiu ne’ebé tuir lei, saudavel, seguru no fó benefísiu ba komunidade sira iha Munisipio Lautem.

Jornalista;Syli

Editor;El