𝗙𝗔𝗠Í𝗟𝗜𝗔 𝗠Á𝗥𝗧𝗜𝗥𝗘𝗦 𝗛𝗔𝗟𝗢𝗧 𝗥𝗘𝗦𝗧𝗨 𝗠𝗢𝗥𝗧𝗔𝗜𝗦 hamutuk  𝟭𝟰 𝗜𝗛𝗔 𝗦𝗘𝗠𝗜𝗧𝗘𝗥𝗜𝗨 𝗜𝗥𝗔-𝗔𝗥𝗔 𝗟𝗢𝗥𝗘

Lospalos rcl vox populy 05-10-2026= Autoridade Munisipál Lautém, hamutuk ho Konsellu Munisipál Kombatente Libertasaun Nasionál (KMKLN) no família mártires sira, hala’o serimónia halot restu mortais hamutuk na’in 14 iha Semiteriu Ira-Ara, Postu Administrativu Loré, Munisípiu Lautém.

Reprezentante Prezidente Autoridade Munisipál Lautém, 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀, hatete loron ida-ne’e mak loron espesiál ba família sira no mós ba restu mortais na’in 14 ne’ebé durante períodu luta no okupasaun sofre hamutuk ho sira-nia família. Hodi halot restu mortais na’in 14 iha  semiterio ira ara Postu Lore Munisipio Lautem

‘’Loron ida-ne’e mak loron espesiál ba família sira no mós ba restu mortais na’in 14 ne’ebé durante períodu luta no okupasaun sofre hamutuk ho sira-nia família,tamba wainhira kompara ho períodu funu no luta iha tempu uluk, realidade iha Postu Administrativu Loré agora iha ona mudansa. Jerasaun foun barak la hetan esperiénsia direta kona-ba situasaun no sofrimentu ne’ebé akontese durante períodu luta. Tanba ne’e, hau  sujere ba Veteranu no Veterana sira atu kontinua fahe no konta istória luta ba sira-nia oan sira iha família ida-idak. Ho nune’e, jerasaun foun bele komprende no hatene istória no sofrimentu ne’ebé povo Timor-Leste  infrenta  durante tinan 24 nia laran. Hateten Reprezentante Prezidente Autoridade Munisipál Lautém Tiborsio dos Santos

Sekretáriu Munisipál PIDI mós husu ba Veteranu no Veterana sira atu fó atensaun ba edukasaun oan sira, liuliu iha era dijitalizasaun ne’ebé asesu ba informasaun sai fasil liu. Edukasaun no koñesimentu sei sai baze importante atu hasa’e kapasidade jerasaun foun, atu iha futuru bele kontribui no lidera dezenvolvimentu Nasaun RDTL, inklui iha Munisípiu Lautém.

‘’Hau  husu ba Veteranu no Veterana sira atu fó atensaun ba edukasaun oan sira, liuliu iha era dijitalizasaun ne’ebé asesu ba informasaun sai fasil liu. Edukasaun no koñesimentu sei sai baze importante atu hasa’e kapasidade jerasaun foun, atu iha futuru bele kontribui no lidera dezenvolvimentu Nasaun RDTL, inklui iha Munisípiu Lautém  tamba Serimónia haloot restu mortais na’in 14 iha Semiteriu Ira-Ara ne’e mós sai momentu importante ida ba família sira atu fó dignidade no deskansu ikus ba sira-nia belun no membru família sira, no atu kontinua preserva memória istórika kona-ba luta no sakrifísiu povo Timor-Leste.
Jornalista;silisy

Editor;El