Losplos rcl vp 11-11-2026= Governu Japaun, liu husi Embaixada Japaun iha Timor-Leste, kontinua hatudu nia kompromisu atu apoia dezenvolvimentu servisu protesaun sivíl iha Timor-Leste, ho fó apoiu kareta Bombeirus unidade ida ba Autoridade Protesaun Sivil (APC), liuhusi Korpu Bombeirus Munisípiu Lautém, hodi fasilita resposta ba situasaun emerjénsia, liuliu kombate inséndiu iha territóriu Munisípiu Lautém.
Serimónia entrega simbólika (Hand Over) kareta bombeirus ne’e hala’o iha Salaun Administrasaun Autoridade Munisipál Lautém, ho prezensa Embaixadór Japaun iha Timor-Leste, reprezentante Autoridade Munisipál Lautém, Komandante PNTL Munisípiu Lautém, Komandante Munisipál Operasaun Protesaun Sivil, no konvidadu sira seluk.
, Reprezentante Prezidente Autoridade Munisipál Lautém, ne’ebé reprezenta liu husi Sekretáriu Munisipál Assuntu Sosiál no Organizasaun Komunitária, 𝗙𝗿𝗮𝗻𝗰𝗶𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀, hato’o agradesimentu kle’an husi povu Munisípiu Lautém ba Governu Japaun, liuhusi Embaixada Japaun iha Timor-Leste no Ajénsia Kooperasaun Internasionál Japaun (JICA), ne’ebé kontinua fó apoiu ba povu Timor-Leste iha área Edukasaun, Saúde, Autoridade Protesaun Sivil no setór seluk.
‘’ Hato’o agradesimentu kle’an husi povu Munisípiu Lautém ba Governu Japaun, liuhusi Embaixada Japaun iha Timor-Leste no Ajénsia Kooperasaun Internasionál Japaun (JICA), ne’ebé kontinua fó apoiu ba povu Timor-Leste iha área Edukasaun, Saúde, Autoridade Protesaun Sivil no setór seluk Autoridade Munisipál Lautém mos nafatin apresia no agradese ba Governu Japaun tanba kontinua hatudu solidariedade no fó apoiu ba Timor-Leste, inklui iha tempu difísil ‘’. Reprezentante Prezidente Autoridade Munisipál Lautém, ne’ebé reprezenta liu husi Sekretáriu Munisipál Assuntu Sosiál no Organizasaun Komunitária, 𝗙𝗿𝗮𝗻𝗰𝗶𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀
Aleinde ne’e, Autoridade Munisipál Lautém mós husu ba Korpu Bombeirus Munisípiu Lautém atu uza no kuida ho responsabilidade fasilidade no ekipamentu sira ne’ebé simu, atu bele dura kleur no fó benefísiu ba komunidade.
‘’ Hau mós husu ba Korpu Bombeirus Munisípiu Lautém atu uza no kuida ho responsabilidade fasilidade no ekipamentu sira ne’ebé simu, atu bele dura kleur no fó benefísiu ba komunidade’’. 𝗙𝗿𝗮𝗻𝗰𝗶𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀
Iha parte seluk, Embaixadór Japaun iha Timor-Leste. 𝗬𝗮𝗺𝗮𝗺𝗼𝘁𝗼 𝗬𝗮𝘀𝘂𝘀𝗵𝗶, hato’o nia kontentamentu tanba bele partisipa iha serimónia entrega kareta bombeirus ne’ebé Governu Japaun oferese ba Munisípiu Lautém.
‘’ Hato’o nia kontentamentu tanba bele partisipa iha serimónia entrega kareta bombeirus ne’ebé Governu Japaun oferese ba Munisípiu Lautém’’ hateten Embaixadór Japaun iha Timor-Leste. 𝗬𝗮𝗺𝗮𝗺𝗼𝘁𝗼 𝗬𝗮𝘀𝘂𝘀𝗵𝗶
Embaixadór informa katak, Governu Japaun hahú ona oferese kareta bombeirus ba Timor-Leste hahú husi tinan 2015, no Munisípiu Lautém sai Munisípiu daruak ka datolu ne’ebé simu apoiu kareta bombeirus hosi Governu Japaun.
Nia mós rekoñese katak, Munisípiu balu iha Timor-Leste sei hasoru difikuldade iha transporte no ekipamentu atu responde ba kazu inséndiu, liuliu iha área rurál sira. Tanba ne’e, nia hein katak kareta bombeirus unidade ida ne’e bele fasilita no hametin kapasidade Korpu Bombeirus iha Munisípiu Lautém atu responde lalais ba situasaun emerjénsia.
Iha okaziaun ne’e, Komandante Munisipál Operasaun Protesaun Sivil (APC) Munisípiu Lautém, 𝗝𝗼𝘀é 𝗔𝗴𝗼𝘀𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮, esplika katak servisu bombeirus nu’udar servisu ne’ebé iha risku boot ba vida pesoál, tanba envolve atividade sira hanesan kombate inséndiu, buka no salva ema, prestasaun saúde emerjénsia no servisu apoiu sira seluk.
‘’ Esplika katak servisu bombeirus nu’udar servisu ne’ebé iha risku boot ba vida pesoál, tanba envolve atividade sira hanesan kombate inséndiu, buka no salva ema, prestasaun saúde emerjénsia no servisu apoiu sira seluk, Nia enfatiza katak atividade hirak ne’e importante tebes iha esforsu atu salva vida ema no proteje sasan no propriedade komunidade nian. Tanba ne’e, rekursu umanu, viatura no ekipamentu adekuadu sira sai hanesan elementu xave atu hasa’e kapasidade institusionál no hadi’a kualidade servisu bombeirus’’ Komandante Munisipál Operasaun Protesaun Sivil (APC) Munisípiu Lautém, 𝗝𝗼𝘀é 𝗔𝗴𝗼𝘀𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮,
Ho nune’e, nia hato’o agradesimentu ba Embaixadór Japaun iha Timor-Leste ne’ebé marka prezensa diretamente iha Munisípiu Lautém hodi entrega viatura bombeirus unidade ida ne’e.
no apoiu aquizisaun viatura ne’e nu’udar investimentu estratéjiku ida atu hasa’e kapasidade operasionál no fasilita ekipa bombeirus sira atu hala’o knaar ho profisionalizmu, liuliu iha operasaun kombate inséndiu no resposta ba situasaun emerjénsia iha territóriu Munisípiu Lautém.
, Autoridade Protesaun Sivil, liuhusi Korpu Bombeirus Munisípiu Lautém, reafirma kompromisu atu utiliza viatura ne’e tuir nia objetivu, ho kuidadu no responsabilidade, atu bele garante benefísiu ba komunidade sira durante tempu naruk.
Jornalista;sisy
Editor;El
