Lospalos rcl vp 23-03-2026=Agênsia de Dezenvolvimentu Nasional (ADN) no akompaña mos husi Tékniku ADN destakadu iha Munisípiu Lautém hala’o enkontru Koordenasaun ho Autoridade Munisipál Lautém.no sorumutu ne’e hala’o iha Sala VIP Administrasaun Autoridade Munisipál Lautém.
Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu 𝐓𝐢𝐛𝐮𝐫𝐬𝐢𝐨 𝐝𝐨𝐬 𝐒𝐚𝐧𝐭𝐨𝐬 hateten, ekipa ADN sira mai iha Administrasaun Autoridade Munisipál Lautém hodi halo sorumutu kona-ba infraestrutura báziku sira liu-liu ba iha Setor Saude no Edukasaun, agora devér husi Autoridade Munisipál Lautém nian mak oinsá atu prepara dadus sira ne’e hodi identifika no prepara lista atu bele submete.
‘’ ekipa ADN sira mai iha Administrasaun Autoridade Munisipál Lautém hodi halo sorumutu kona-ba infraestrutura báziku sira liu-liu ba iha Setor Saude no Edukasaun, agora devér husi Autoridade Munisipál Lautém nian mak oinsá atu prepara dadus sira ne’e hodi identifika no prepara lista atu bele submete,tamba ne’e antes atu submete dadus sira ne’e, tenke identifika uluk liuliu Saude no Edukasaun ne’ebé kategoria grave liu presiza atu hadi’a iha futuru.
Iha sorin seluk, Diretor Adjuntu Agênsia de Dezenvolvimentu Nasionál (ADN) Engineiru 𝐃𝐞𝐦𝐢𝐬𝐭𝐜𝐥𝐞𝐬 𝐃.𝐗.𝐅 𝐂𝐚𝐛𝐫𝐚𝐥 hatutan, enkontru ida ne’e, bazeia ba planu Governu Sentral nian, liu-liu Primeiru Ministru ne’ebé mak iha tinan 2027 ba oin, hakarak fokus de’it ba iha dezenvolvimentu infraestrutura báziku sira liu-liu ba iha área Saude no Edukasaun nian.
‘ Enkontru ida ne’e, bazeia ba planu Governu Sentral nian, liu-liu Primeiru Ministru ne’ebé mak iha tinan 2027 ba oin, hakarak fokus de’it ba iha dezenvolvimentu infraestrutura báziku sira liu-liu ba iha área Saude no Edukasaun nian.tamba ne’e Primeiru Ministru Orienta Sua Exelénsi Ministru Planeamentu Investimentu no Estratéjiku haruka ADN koordena ho Prezidente Autoridade Munisipal sira hotu liu husi Diresaun Servisu Munisipal Edukasaun no Saude hodi identifika fasilidade ne’ebé sei preokupasaun husi komunidade sira nian.
Enttertantu: enkontru ida ne’e hakarak atu koordena hamutuk ho Autoridade Munisípal, atu nune’e ekipa tékniku PDIM husi Munisípiu atu la’o hamutuk hodi identifika fasilidade sira ne’ebé maka presiza tau atensaun.
Jornalista;Silisy
Editor;El
