Lospalos rcl vp 11-11-2026= Komandante Operasaun Protesaun Sivil Munisípiu Lautém rekomenda ba embaixada japaun iha timor-leste atu fo formasaun espesífika ba korpu bombeirus iha lautém, hodi aumenta sira nia konyesimentu no kapasidade iha salvasaun vida humana.
komandante Operasaun Protesaun Sivil Munisípiu Lautém, José Agostinho da Costa Paicheco husu ba embaixada japaun iha Timor-Leste atu apoia formasaun ba ekipa bombeirus sira ne’ebé deztaka iha munisípiu lautém.
‘’ Husu ba embaixada japaun iha Timor-Leste atu apoia formasaun ba ekipa bombeirus sira ne’ebé deztaka iha munisípiu lautém no formasaun ne’e kóbre kona-ba salvamentu maritime, liu liu ne’ebé relasiona ho salvasaun ema sira ne’ebé mout iha tasi no be laran,tamba korpu bombeirus presiza formasaun espesífika iha área maritime, hodi aumenta sira nia konaisimentu no kapasidade atu halo evakuasaun no salvamentu ba vítima sira ne’ebé mout iha tasi ka lagoa’’.hateten komandante Operasaun Protesaun Sivil Munisípiu Lautém/ José Agostinho da Costa Paicheco.
Hatan ba rekomendasaun ne’e, Embaixadór Japaun iha timor-leste, yasushi yamamoto informa katák,rekomendasaun ne’e pertinente tebes ba ekipa bombeirus sira, maibé sei la bele fo resposta imediata, tanba asuntu ne’e sei aprezenta ba governu japaun atu haree no konsidera.
‘’ Rekomendasaun ne’e pertinente tebes ba ekipa bombeirus sira, maibé sei la bele fo resposta imediata, tanba asuntu ne’e sei aprezenta ba governu japaun atu haree no konsidera’’
Entertantu:Rekomendasaun ne’e hato’o iha okaziaun embaixadór japaun entrega apoiu viatura bombeirus ba korpu bombeirus iha munisípiu lautém, liu husi entrega viatura fire engine ba kombate enséndiu.
