Lospalos rcl vp 23-09-2026= Ba Tinan 44 Komandante Xefe das falintil hamutuk Igreja No Povu Munisipio laut’em hodi halo inagura Monumentu Monsenhor Martinho da Costa Lopes iha suku mehara,postu administrativoTutuala munisipio lautém
Serimónia inaugurasaun ne’e hala’o ho espírito unidade no memória, hodi fó onra ba Monsenhor Martinho da costa lopes no hatudu ba Povu Timor-Leste kona-ba papel importante ne’ebé figura iha istória rezisténsia nasional. Tamba Monumentu ne’e harii la’ós de’it atu hanoin fila-fali ba istória pasadu, maibé mós nu’udar símbolu ida hodi preserva memória kona-ba aten-brani, unidade no sakrifísiu ne’ebé ema barak hatudu iha luta ba ukun-rasik-an no liberdade Timor-Leste.
Komandante Em Xefe das FALINTIL, 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, ko’alia kona-ba memória enkontru no kontaktu sira ne’ebé importante ba reorganizasaun no kontinuidade luta armada durante períodu rezisténsia.
‘’ Hau ko’alia kona-ba memória enkontru no kontaktu sira ne’ebé importante ba reorganizasaun no kontinuidade luta armada durante períodu rezisténsia. tamba prezensa ema hotu iha fatin ne’e la’ós de’it tanba 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀, maibé tanba eventu istóriku ne’ebé akontese iha Suku Mehara sai nu’udar parte importante husi istória rezisténsia Timor-Leste, ne’ebé hatudu katak rezisténsia kontinua. Tamba Tuir istória ne’ebé Komandante Em Xefe fahe, iha loron 22 Setembru, tinan 44 liubá, akontese enkontru ho 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀 iha uma ida ne’e. Enkontru ne’e konsidera importante iha kontestu komunikasaun no organizasaun rezisténsia iha tempu ne’ebá. Tamba Rezisténsia Timor-Leste hahú ho invazaun iha loron 7 Dezembru 1975. Iha fulan Maiu 1976, Komandante Em Xefe 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, hala’o reuniaun Komité Sentral FRETILIN iha Soibada, hodi reforsa organizasaun no reorganizasaun luta. Iha kontestu kontinuidade istória rezisténsia, Komandante Em Xefe mós refere ba enkontru ho 𝗥𝗮𝗷𝗮 𝗠𝗶𝗴𝘂𝗲𝗹 𝗱𝗼𝘀 𝗦𝗮𝗻𝘁𝗼𝘀, ne’ebé konhese ho naran “𝗖𝘂𝗯𝗮”, no prosesu aprendizagem kona-ba estratégia no tátika guerrilla, inklui liuhusi leitura no estudu kona-ba esperiénsia luta iha Cuba, China, Angola no Mozambique.tamba Antes serimónia inaugurasaun monumentu, Prezidente Autoridade Munisipál Lautém, ne’ebé reprezenta Povu Munisípiu Lautém, entrega lembransa ba Komandante Em Xefe das FALINTIL 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, Eminénsia 𝗗𝗼𝗺 𝗩𝗶𝗿𝗴í𝗹𝗶𝗼 𝗖𝗮𝗿𝗱𝗲𝗮𝗹 𝗱𝗼 𝗖𝗮𝗿𝗺𝗼 𝗱𝗮 𝗦𝗶𝗹𝘃𝗮, 𝗦𝗗𝗕, Bispu Diocese Baucau, 𝗗𝗼𝗺 𝗟𝗲𝗮𝗻𝗱𝗿𝗼 𝗠𝗮𝗿𝗶𝗮 𝗔𝗹𝘃𝗲𝘀, no reprezentante Bispu Diocese Maliana. No Inaugurasaun Monumentu 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀 ne’e sai nu’udar momentu importante ida hodi preserva memória istórika no fó hanoin ba jerasaun ohin no jerasaun sira tuir mai kona-ba unidade, solidariedade no sakrifísiu ne’ebé kontribui ba luta no liberdade Timor-Leste.
Entertantu : seremonia inagurasaun ne’e lao ho diak tamba hetan partisipasaun masimo husi Komandante Em Xefe das FALINTIL, atual Primeiru Ministru (PM-RDTL) 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, hamutuk ho Ministru Administrasaun Estatal (MAE), akompaña Eminénsia 𝗗𝗼𝗺 𝗩𝗶𝗿𝗴í𝗹𝗶𝗼 𝗖𝗮𝗿𝗱𝗲𝗮𝗹 𝗱𝗼 𝗖𝗮𝗿𝗺𝗼 𝗱𝗮 𝗦𝗶𝗹𝘃𝗮, 𝗦𝗗𝗕, Bispu Diocese Baucau, 𝗗𝗼𝗺 𝗟𝗲𝗮𝗻𝗱𝗿𝗼 𝗠𝗮𝗿𝗶𝗮 𝗔𝗹𝘃𝗲𝘀, no reprezentante Bispu Diocese Maliana, governu lokal , soisdade sivil,estudante no povu munisipio lautém
Jornalista;syli
Editor;EL
