Lospalos rcl vp 10-2025: Ensinu baziku central coro-asu de maloru laiha mobiliariu eskola hanesan meza no kadera no menus professor difikulta estudante sira nia prosesu aprendizajen iha sala de aula
Diretur EBC coro-asu de maloru Belarmino dos santos informa ebc coro-asu laiha mobiliariu eskola difikulta estudante sira nia prosesu aprendizajen iha sala de aula ho kondisaun nee relata ona ba servisu edukasaun munisipiu lautem maibe seidauk responde.
“preokupasaun iha nee ami hatoo oinsa atu responde ami nia preokupasaun sira nee tamba mobiliariu sira nee importante tebes atu utiliza liu-liu iha sala tolu nee seidauk hetan kadeira no meza, hau halo ona proposta hatoo ona ba diresaun infrastutura nian maibe seidauk iha rezultadu maibe hau mos nafatin tenta nain ulun sira iha munispiu atu nube bele halo follow up hodi nune material sira nee bele too lalais para ita utiliza hodi halao aprendizajen. menus professor sira mos hau hatoo liu husi relatoriu verbalmente ba iha ministeriu edukasaun tamba iha ensinu baziku central coro-asu ho nia agrupamentu 3, tamba profesor preparadu atu reforma nee nain 7 tamba nee mak presija mos iha ninia supstituisaun atu bele kompleta nafatin professor ba materai no ba jeral nune bele halo prosesu aprendizajen ho diak.”
Relasiona ho preokupasaun ne’e Embaixador governu japaun kimura tetsuya, mos apelu ba autoridade municipal lautem no entidade sira hotu atu tau atensaun ba eskola refere hodi garante sustentabilidade eskola nian inklui aumenta rekursu humano no mobiliariu eskola nian. Tamba edifisiu eskola foun nee seidauk iha meza no kadeira.
“Hau hakarak husu ba autoridade local sira no ofisial sira ne’ebe iha responsabilidade ba operasaun no supervizaun ba instalasaun sira atu assume responsabilidade hodi asegura utilizasaun no manutensaun ne’ebe diak, inklui orsamentu, mobiliariu eskola nian, no alokasuan professor sira, hodi asegura katak ema bele uza ba tinan barak, husu ba parte hotu-hotu ne’ebe envolve atu fo apoiu ba esforsu hirak nee.”
Hatan ba preokupasaun ne’e xefe departamentu programa edukasaun municipal lautem Joao aparicio mos rekonese katak fasilidade iha eskola coro-asu refere menus sala de aula no menus profesores
“ planu sira ne’ebe sira hatoo ba ami hare ba eskola coro-asu nian los duni menus sala de aula ohin sira relata ba, no mos menus profesora no fasilidades seluk maibe proposta sira nee ami hato’o ba nasional konforme ba material ka sasan sira neebe sira distribui ami distribui mai fali maibe, kuando seidauk iha ita hein nia prosesu.”
Secretariu municipal administrasaun financas Francisco dos santos konfirma , probelama menus profesores no material eskola nian nee problema nivel nasional tamba nee, governu esforsu hela no halo rekrutamentu ona ba profesores hodi koloka ba eskola sira iha nivel terirtoriu ho fazeadamentu tuir kbit governu nian.
“kona-ba fasilidade eskola, material laiha, profesores menus laos novidades foun iha nivel territoriu maibe director eskola halo ona proposta ba serbisu municipal edukasaun, bazea ba proposta kontinua too nivel nasional oinsa eskola nee bele iha fasilidade ohin ita inagura seidauk bele uja tamba kadeira meza laiha, maibe director bele halo gestaun karik iha eskola balun nia kadeira iha pelu menus jere oinsa para bele funsiona ho diak. Professor menus liu husi ministeriu edukasaun kontinua rekruta no kontinua aloka ba iha eskola sira iha territoriu tuir nesesidade, ita labele hakonu probelama hotu iha tempu ida nia laran. Governu nafatin ho nia etapa pure tapa lao neneik ho bebeik ita seiba too iha tempu ida nebe bele dehan ema hotu bele sente.”
Entretantu Dadaun ne’e professor aktivu nee hamutuk 40 kompostu husi edukasaun pre-eskolar too EBC inklui tekniku administrativu, no Total estudante husi pre escolar too ensinu baziku central hamutuk ema nain 636.
Jornalista;Veru
Editor;El
