Lospalos rcl vp 11-06-2026= Estudante sira iha munisipio lautém autuziasmu hodi partispa aktividade caravan ba selebrasaun loron Mundiál Oceano nian hodi fo importánsia ba konservasaun Biodiversidade iha tasi laran.
Atividade ne’ebé hala’o iha selebrasaun loron Mundiál Oceano mak hanesan, misa Agradesimentu no kontinua halao aktividade karavana ho mutivo vestuariu tasi nian no seminariu
Aleinde aktividade ne’e Autoridade Munisipál Lautém mós fahe hahán ba benefisiáriu sira ne’ebé hetan inundasaun iha Postu Administrativu Lospalos depois atividade fahe ai-han iha mós atividade diskursu públiku ne’ebé envolve husi estudante sira.
Reprezentante Ministru Turísmu no Ambiente 𝐕𝐢𝐫𝐠𝐢𝐥𝐢𝐨 𝐒𝐦𝐢𝐭𝐡 hateten karavana ne’e ho nia motivu ne’ebé ligadu hotu ba tasi liuliu ba biodiversidade sira ne’ebé moris iha tasi laran, karavana ida ne’e hanesan kampaña ida hodi motiva komunidade sira liuliu estudante sira oinsá atu proteje lixu sira.
Virgilio Smith mos hateten Relasiona ho tasi, ne’e partisipasaun husi estudante sira mak tenke másimu, nune’e futuru bele kuidadu ba tasi sira iha Munisípiu Lautém.
‘’ karavana ne’e ho nia motivu ne’ebé ligadu hotu ba tasi liuliu ba biodiversidade sira ne’ebé moris iha tasi laran, karavana ida ne’e hanesan kampaña ida hodi motiva komunidade sira liuliu estudante sira oinsá atu proteje lixu sira Relasiona ho tasi, ne’e partisipasaun husi estudante sira mak tenke másimu, nune’e futuru bele kuidadu ba tasi sira iha Munisípiu Lautém’’
Autoridade Munisipál Lautém melio de Jesus mos hateten nia parte konvida komunidade sira hahú husi estudante no komunidade sira hotu atu bele konserva no prezerva ba biodiversidade sira ne’ebé moris iha tasi laran tanba Biodiversidade sira ne’e nu’udar Fontes investimentu ba dezenvolvimentu sustentabilidade ba ekonomia iha Timor-Leste espesiál iha Munisípiu Lautém.
‘’ liu husi loron mundial Oceano nian ne’e ,ta konvida komunidade sira hahú husi estudante no komunidade sira hotu atu bele konserva no prezerva ba biodiversidade sira ne’ebé moris iha tasi laran sai tanba Biodiversidade sira sai nu’udar Fontes investimentu ba dezenvolvimentu sustentabilidade ba ekonomia iha Timor-Leste espesiál iha Munisípiu Lautém no ita mos konvida Povu Lautém tomak atu bele fó nafatin importánsia ba konservasaun Biodiversidade ho konsiénsia hodi hamoos tasi-ibun sira, tanba fo’er no lixu sira ne’ebé ne’e iha tasi-ibun bele estraga biodiversidade sira iha tasi laran’’
Prezidente Autoridade Munisipál Lautém Melio de Jesus mos hateten nia parte fó apresiasaun ba Diretor Servisu Munisipál Edukasaun Munisípiu Lautém ne’ebé organiza estudante sira partisipa iha selebrasaun loron Mundiál Oceano nian
‘’ iha biban ida ne’e ,Ita fó apresiasaun ba Diretor Servisu Munisipál Edukasaun Munisípiu Lautém ne’ebé organiza estudante sira partisipa iha selebrasaun loron Mundiál Oceano nian ho másimu no antuziasmu tebes’’. hateten Prezidente Autoridade Munisipál Lautém melio
Entertantu :Iha Actividade caravan ne’e lao ho diak tamba hetan partisipasaun masimo husi komunidade , Administrativu, Lospalos, Lautém, Luro, Lore, Tutuala no Iliomar, Estudante sira husi Eskola Sekundária Jerál Lere Anan Timur, Eskola Sekundária Jerál Nino Conis Santana, Eskola Tékniku Vokasionál No.2 Lospalos,
Jornalista;silisi
Editor;El
