Lospalos rcl vp 06-10-2026= Autoridade Munisipál Lautém, halao serimónia içar Bandeira Nasionál Repúblika Demokrátika Timor-Leste (RDTL) ba semana dahuluk fulan Outubru tinan 2026,nee husu ba funsionáriu sira tenki kontinua hametin disiplina, responsabilidade no kolaborasaun iha ezekusaun servisu públiku/iha resintu Administrasaun Autoridade Munisipál Lautém.
Sekretáriu Munisipál Administrasaun no Finansas 𝗭𝗲𝗳𝗲𝗿𝗶𝗻𝗼 𝗱𝗼𝘀 𝗦𝗮𝗻𝘁𝗼𝘀 𝗦𝗲𝗾𝘂𝗲𝗶𝗿𝗮, hateten fulan Outubru nu’udar inísiu ba trimestre ikus iha tinan fiskál 2026. Tanba ne’e, husi fulan Outubru to’o fulan Dezembru, servisu tenke hala’o ho konsentrasaun no komitmentu atu bele finaliza planu no atividade sira ne’ebé planeadu ba tinan 2026 ho kualidade.
‘’Fulan Outubru nu’udar inísiu ba trimestre ikus iha tinan fiskál 2026. Tanba ne’e, husi fulan Outubru to’o fulan Dezembru, servisu tenke hala’o ho konsentrasaun no komitmentu atu bele finaliza planu no atividade sira ne’ebé planeadu ba tinan 2026 ho kualidade.Tanba ida ne’e, hau husu ba kargu Diresaun, Xefia, Xefe Seksaun, Xefe Departamentu no funsionáriu sira hotu atu organiza no orienta servisu iha kada unidade ho di’ak no kualidade, nune’e relatóriu no rezultadu servisu sira ba tinan fiskál 2026 bele finaliza no submete tuir prazu ne’ebé determina.no hau mós ko’alia kona-ba atividade 𝗙𝗲𝘀𝘁𝗶𝘃𝗮𝗹 𝗙𝗿𝗼𝗻𝘁𝗲𝗶𝗿𝗮, ne’ebé sei hala’o iha Munisípiu Lautém durante fulan Outubru 2026.tamba Atividade Festival Fronteira sei hala’o iha 𝗣𝗼𝘀𝘁𝘂 𝗔𝗱𝗺𝗶𝗻𝗶𝘀𝘁𝗿𝗮𝘁𝗶𝘃𝘂 𝗟𝗮𝘂𝘁é𝗺, 𝗦𝘂𝗸𝘂 𝗖𝗼𝗺, hahú husi loron 𝟮𝟯 𝘁𝗼’𝗼 𝟮6 𝗢𝘂𝘁𝘂𝗯𝗿𝘂 𝟮𝟬𝟮𝟲. Atividade ne’e sei envolve partisipasaun husi komunidade no entidade sira iha Munisípiu Lautém, inklui mós partisipante sira husi territóriu viziñu no área fronteira sira, hanesan 𝗞𝘂𝗽𝗮𝗻𝗴, 𝗠𝗮𝗹𝗮𝗸𝗮, 𝗞𝗲𝗳𝗮, no illa sira iha Maluku, inklui 𝗞𝗶𝘀𝗮𝗿 𝗻𝗼 𝗪𝗲𝘁𝗮𝗿.
Entertantu:Serimónia içar Bandeira Nasionál ba semana dahuluk fulan Outubru tinan 2026,nee lao ho diak temba hetan partisipasaun masimo husi funsionari sira.iha munisipio lautém .
Jornalista;Silisy
Editor;EL
