LOSPALOS, RCL VP, 22-10-2025: Munisípiu Lautém partisipa Konsulta Públika Kona-ba Polítika no Planu Asaun Ekonómia Azul Autoridade Munisipál no Lider Komunitária sira ho tema, “𝐇𝐚’𝐮 𝐍𝐢𝐚 𝐓𝐚𝐬𝐢, 𝐇𝐚’𝐮 𝐍𝐢𝐚 𝐓𝐢𝐦𝐨𝐫”, ne’ebé abertura husi Primeiro Ministro (PM) 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, hala’o husi Gabinete Fronteira Terrestre no Marítima iha Salaun Auditoriu Kay Rala Xanana Gusmão Ministériu Finanas (MF).
Prezidente Autoridade Munisípiu Lautém, 𝗠𝗲𝗹𝗶𝗼 𝗱𝗲 𝗝𝗲𝘀𝘂𝘀 , agradese ba Nonu Governu Konstituisional ne’ebé lideradu husi Primeiro Ministro (PM) 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, realiza atividade enkontru kona-ba Polítika Ekonómia Azul nian oinsá atu prezerva no koserva ita nia Biodiversidade sira iha tasi.
‘’hau agradese ba Nonu Governu Konstituisional ne’ebé lideradu husi Primeiro Ministro (PM) 𝗞𝗮𝘆 𝗥𝗮𝗹𝗮 𝗫𝗮𝗻𝗮𝗻𝗮 𝗚𝘂𝘀𝗺ã𝗼, realiza atividade enkontru kona-ba Polítika Ekonómia Azul nian oinsá atu prezerva no koserva ita nia Biodiversidade sira iha tasi,tamba ida ne’e Loron Mundial Oseanu Autoridade Munisípiu Lautém realiza, actividade sosializasaun ba Semináriu Kampaña nasional kona-ba ekonómia azul ba poluisaun plástiku nian, nune’e mós halo atividade limpeza ba kada Postu sira ne’ebé iha tasi-ibun sira hanesan Postu Iliomar área Iradarate, Postu Lore iha Lori, Postu Lautém iha Com no Postu Tutuala iha Illa Jaco ne’ebé envolve husi komunidade no estudante sira,no Autoridade Munisípiu Lautém iha ona sirkular ida ne’ebé fó ba Autoridade Postu Administrativu sira ne’ebé maka hela besik tasi-ibun sira, atu nune’e sira bele halo limpeza kada loron Sexta-feira ba iha tasi-ibun sira, hodi nune’e tasi bele mós husi lixu sira,tamba Munisípiu Lautém pertense Parke Nino Conis Santana ne’ebé iha rikusoin barak, tanba ida ne’e ita kuidadu no prezerva nafatin atu nune’e bele sai matak no azul nafatin. Hateten Prezidente Autoridade Munisípiu Lautém, 𝗠𝗲𝗹𝗶𝗼 𝗱𝗲 𝗝𝗲𝘀𝘂𝘀
Melio de Jesus mos hateten, tinan oin Autoridade Munisípiu Lautém hahu utiliza ona regra sira ne’ebé dekretu lei ba vizitante sira ne’ebé iha interese hakarak ba vizita liu-liu praia Valu-Sere no Illa Jaco ne’ebé sei fan billeti iha pontu entrada antes tama ba fatin turismu sira, nune’e mós iha regulamentu ida bainhira tuirsta sira ba vizita la autoriza lori aqua no plastiku sira, nune’e ita konserva no prezerva ambiente nian.
‘’ tinan oin Autoridade Munisípiu Lautém hahu utiliza ona regra sira ne’ebé dekretu lei ne’ebé iha ba vizitante sira ne’ebé iha interese hakarak ba vizita liu-liu praia Valu-Sere no Illa Jaco ne’ebé sei fan billeti iha pontu entrada antes tama ba fatin turismu sira, nune’e mós iha regulamentu ida bainhira tuirsta sira ba vizita la autoriza lori aqua no plastiku sira, nune’e ita konserva no prezerva ambiente Konsulta Publiku ida ne’e, iha importansia husi ekonomia azul nian ba diversifikasaun ekonómia iha timor-leste, tanba Munisípiu Lautém iha tasi feto no tasi mane ne’ebé baliza ho Illa ki’ik sira provinsia Maluku utara Indonesia nian, tanba ida ne’e, dezasfiu bot ida ba Timor-Leste espesial ba Munisípiu Lautém, ne’ebé tasi luan ho fronteira Australia parte Sul nian, nune’e mós iha parte Norte baliza ho Indonesia, ne’ebé bele fó amiasa ba peska illegal negósiu illegal nune’e mós krime transaksionál ne’ebé bele akontese iha tasi laran no hau mos husu ba Governu Sentral liu husi Autoridade Kompetente sira hanesan Seguransa sira mak Polísia Marítima no Komponente Naval, atu bele halo kontrolu másimu ba tasi sira ne’ebé iha atu nune’e labele iha problema ruma. Dehan Melio de Jesus
Entertantu:Konsultasaun Publiku ne’e partisipa másimu husi Primeiro Ministro (Ministra Finansas Ministru Administrasaun Estatál Ministru Agrikultura Pekuária Peska no Florestas, Ministru Planeamentu no Investimentu Estratéjiku Sekretáriu Estadu Dezenvolvimentu Lokál no Lider Komunitária sira iha teritóriu Timor laran tomák inklui RAEOA.
Jornalista : sisi
Editor : El
