Lospalos rcl vp 15-05-2026=Governu liu husi Autoridade munispiu lautem hala’o distribuisaun materiál konstrusaun no orsamentu maun de obra ba benefisiáriu sira hamutuk 54 ne’ebé hetan estragus ho tipu dejestre naturais iha tinan. Rihun rua rua nolu resin hat (2024) no tinan reihun rua rua nolu resin lima nian iha Salaun jinajiu Lospalos Munisipio lautém .
Prezidente Autoridade Munisipál Lautém melio de Jesus hateten ba benefisiáriu sira ne’ebé mak atu simu materiál konstrusaun no orsamentu maun de obrane’e tenki ,utiliza no kuidadu didi’ak ba materiál sira ne’e , hodi harii uma nune’e bele asegura família hodi moris no garantia nia kualidade atu nune’e bele dura to’o tempu ne’ebé naruk,
‘’ ba benefisiáriu sira ne’ebé mak atu simu materiál konstrusaun no orsamentu maun de obrane’e tenki ,utiliza no kuidadu didi’ak ba materiál sira ne’e , hodi harii uma nune’e bele asegura família hodi moris no garantia nia kualidade atu nune’e bele dura to’o tempu ne’ebé naruk,nune’e mós orsamentu maun de obra ne’ebé fó atu sustenta família uma laran, no tenke jere ho didi’ak tuir nesesidade sira ne’ebé presiza tamba Governu iha papél no responsabilidade atu fó apoiu ba nia komunidade sira ne’ebé hetan dezastre naturais, ho ida ne’e husu ba komunidade sira tenke kuidadu no fó valorizasaun ba sasán sira ne’ebé mak Governu no Estadu fó.’’dehan Prezidente Autoridade Munisipál Lautém melio de Jesus iha Salaun Jinajiu Lospalos Munisipio lautém quinta feira 14/05/206 .
mos Prezidente Autoridade Munisipál Lautém apela ba komunidade sira hela iha Aldeia no Suku ne’ebé hela besik fatin risku sira ba dezastre naturais hanesan tasi ninin, mota ninin, rai halai no hela besik ai-hun boot sira bele fó ameasa ba ita-nia vida, atu komesa hatene no kuida hodi harii uma no halo konstrusaun uma tenke dook husi fatin risku ba dezastre naturais liu metru 50 no 150, atu nune’e bele hadook an husi situasaun sira ne’e bele afeta ba vida.
‘’ hau apela ba komunidade sira nebe mak hela iha Aldeia no Suku ne’ebé hela besik fatin risku sira ba dezastre naturais hanesan tasi ninin, mota ninin, rai halai no hela besik ai-hun boot sira tenki hatene no kuida hodi harii uma no halo konstrusaun uma tenke dook husi fatin risku ba dezastre naturais liu metru 50 no 150, atu nune’e bele hadook an husi situasaun sira ne’e tamba bele afeta ba vida.’’dehan Prezidente Autoridade Munisipál Melio de jesus
Entertantu :, benefisiáriu hamutuk lima nolu resin hat)54) ne’e kompostu husi , Postu Administrativu Iliomar hamutuk Rua Nulu Resin Ida(21). Postu Administrativu Lautém hamutuk Sanulu Resin Tolu (13), Postu Adminstrativu Lospalos hamutuk sanolu (10), Postu Administrativu Luro hamutuk walu (8 ) no Postu Administrativu Lore hamutuk Rua 2 ne’ebé hetan estragus ho tipu dezastre Naturais
Jornalista;nito
Editor;El
