Lospalos rcl vp 31-10-2026= liberdade imprensa no liberdade espresaun mak elementu importante bá demokrasia, maibé tenke akompaña ho responsabilidade, respeitu bá direitu ema seluk nian no verifikasaun faktus molok publika informasaun.
Iha okaziaun ne’e, Primeiru-Ministru hato’o parabéns no apresiasaun bá jornalista no traballadór média hotu ne’ebé servisu loroloron ho dedikasaun no responsabilidade atu lori informasaun bá povu.
Tuir Xanana Gusmão, Loron Nasionál Imprensa la’ós de’it momentu atu selebra profisaun jornalista nian, maibé mós atu reflete kona-bá papél imprensa nian iha konstrusaun Estadu no Nasaun Timor-Leste, liuliu iha esforsu atu hametin instituisaun Estadu, dezenvolve koñesimentu povu nian no promove partisipasaun sidadaun sira.
Xefe Governu esplika katak liuhosi informasaun, povu bele hatene programa Governu nian, desizaun Parlamentu Nasionál no problema sira ne’ebé afeta komunidade. Tanba ne’e, média iha responsabilidade importante atu sai ponte entre Governu no povu, inklui fó oportunidade bá sidadaun sira atu hato’o preokupasaun no opiniaun.
“𝐆𝐨𝐯𝐞𝐫𝐧𝐮 𝐭𝐞𝐧𝐤𝐞 𝐬𝐢𝐦𝐮 𝐩𝐞𝐫𝐠𝐮𝐧𝐭𝐚 𝐧𝐨 𝐤𝐫𝐢́𝐭𝐢𝐤𝐚 𝐧𝐞’𝐞𝐛𝐞́ 𝐛𝐚𝐳𝐞𝐢𝐚 𝐛𝐚́ 𝐟𝐚𝐤𝐭𝐮𝐬. 𝐊𝐫𝐢́𝐭𝐢𝐤𝐚 𝐤𝐨𝐧𝐬𝐭𝐫𝐮𝐭𝐢𝐯𝐚 𝐛𝐞𝐥𝐞 𝐚𝐣𝐮𝐝𝐚 𝐆𝐨𝐯𝐞𝐫𝐧𝐮 𝐚𝐭𝐮 𝐡𝐚𝐝𝐢’𝐚 𝐬𝐞𝐫𝐯𝐢𝐬𝐮 𝐧𝐨 𝐫𝐞𝐬𝐩𝐨𝐧𝐝𝐞 𝐛𝐚́ 𝐩𝐨𝐯𝐮 𝐧𝐢𝐚 𝐧𝐞𝐬𝐞𝐬𝐢𝐝𝐚𝐝𝐞. 𝐈𝐡𝐚 𝐭𝐞𝐦𝐩𝐮 𝐡𝐚𝐧𝐞𝐬𝐚𝐧, 𝐣𝐨𝐫𝐧𝐚𝐥𝐢𝐬𝐭𝐚 𝐦𝐨́𝐬 𝐭𝐞𝐧𝐤𝐞 𝐯𝐞𝐫𝐢𝐟𝐢𝐤𝐚 𝐢𝐧𝐟𝐨𝐫𝐦𝐚𝐬𝐚𝐮𝐧, 𝐫𝐞𝐬𝐩𝐞𝐢𝐭𝐚 𝐞́𝐭𝐢𝐤𝐚 𝐩𝐫𝐨𝐟𝐢𝐬𝐢𝐨𝐧𝐚́𝐥 𝐧𝐨 𝐡𝐚𝐭𝐨’𝐨 𝐧𝐨𝐭𝐢́𝐬𝐢𝐚 𝐡𝐨 𝐥𝐨𝐥𝐨𝐨𝐬,” PM Xanana afirma.
Xanana Gusmão mós alerta katak dezenvolvimentu teknolojia dijitál, rede sosiál no Artifisiál Intelijénsia (AI) muda ona maneira ema nian hodi hetan no fahe informasaun, ne’ebé lori oportunidade no dezafiu foun bá profisaun jornalista.
Teknolojia bele ajuda jornalista sira hala’o peskiza no analiza dadus, maibé iha tempu hanesan, aumenta risku propagasaun notísia falsu, vídeo manipuladu no informasaun ne’ebé kria ho AI atu manán públiku.
“𝐈𝐦𝐩𝐫𝐞𝐧𝐬𝐚 𝐧𝐞’𝐞𝐛𝐞́ 𝐟𝐨𝐫𝐭𝐞 𝐚𝐣𝐮𝐝𝐚 𝐡𝐚𝐫𝐢𝐢 𝐄𝐬𝐭𝐚𝐝𝐮 𝐧𝐞’𝐞𝐛𝐞́ 𝐟𝐨𝐫𝐭𝐞. 𝐉𝐨𝐫𝐧𝐚𝐥𝐢𝐬𝐭𝐚 𝐧𝐞’𝐞𝐛𝐞́ 𝐩𝐫𝐨𝐟𝐢𝐬𝐢𝐨𝐧𝐚́𝐥 𝐚𝐣𝐮𝐝𝐚 𝐡𝐚𝐦𝐞𝐭𝐢𝐧 𝐝𝐞𝐦𝐨𝐤𝐫𝐚𝐬𝐢𝐚 𝐧𝐨 𝐮𝐧𝐢𝐝𝐚𝐝𝐞 𝐧𝐚𝐬𝐢𝐨𝐧𝐚́𝐥,” Primeiru-Ministru afirma.
Xanana Gusmão taka diskursu ho parabéns bá jornalista no traballadór média hotu iha Timor-Leste, no hato’o apelu atu kontinua hametin imprensa livre no responsável nu’udár parte importante hosi dezenvolvimentu demokrasia iha nasaun.
Jornalista;linda
Editor;EL
