Lospalos rcl vp 14-10-2026= Ministériu Agrikultura, Pekuária, Peska no Florestaka (MAPPF), hamutuk ho parseiru Konservasaun Internasionál Timor-Leste (CI-TL), hahú halo koordenasaun servisu ho Autoridade Munisipál Lautém kona-ba planu estabelesimentu Parke Marina Dugong iha Munisípiu Lautém, iha Sala VIP Administrasaun Autoridade Munisipál Lautém.
No objetivo ba sorumutu ne’e atu fahe informasaun kona-ba rezultadu peskiza no aprezenta evidénsia sira ne’ebé bele sai hanesan baze ba Autoridade Munisipál Lautém atu konsidera planu estabelesimentu área konservasaun marina ne’e.
‘’ Sekretáriu Munisipál PIDI,. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀, ne’ebé reprezenta Prezidente Autoridade Munisipál Lautém, hato’o agradese ba MAPPF no parseiru Konservasaun Internasionál Timor-Leste tanba sira-nia servisu no peskiza kona-ba dugong iha Munisípiu Lautém.
‘’Nia konsidera inisiativa ne’e importante, tanba liuhusi peskiza no estudu sira, bele aumenta komprensaun kona-ba nesesidade atu konserva ambiente naturál, liuliu espésie animál marinu sira ne’ebé moris iha tasi.
Iha fatin hanesan , Diretór Nasionál Planeamentu Tasi,. 𝗝𝗮𝗻𝘂𝗮𝗿𝗶𝗼 𝗠𝗮𝗿𝗰𝗮𝗹, mos hateten prezensa MAPPF hamutuk ho parseiru Konservasaun Internasionál Timor-Leste iha audiénsia ne’e atu atualiza informasaun ba Autoridade Munisipál kona-ba planu Governu nian atu estabelese Parke Marina Dugong iha Munisípiu Lautém.
‘’ prezensa MAPPF hamutuk ho parseiru Konservasaun Internasionál Timor-Leste iha audiénsia ne’e atu atualiza informasaun ba Autoridade Munisipál kona-ba planu Governu nian atu estabelese Parke Marina Dugong iha Munisípiu Lautém,no tuir planu MAPPF no Konservasaun Internasionál Timor-Leste, estabelesimentu Parke Marina Dugong ne’e sei sai hanesan kontinuidade ba esforsu konservasaun ne’ebé hala’o ona iha Parke Nasionál Nino Konis Santana. No ami mos sei aprezentasaun kona-ba razaun no fundamentu sientífiku sira ne’ebé lori Governu atu konsidera estabelesimentu Parke Marina Dugong iha Timor-Leste, liuliu iha Munisípiu Lautém.,Ida-ne’e bazeia ba servisu peskiza, avaliasaun no estudu sira ne’ebé Diresaun-Jerál Peska, hamutuk ho parseiru Konservasaun Internasionál Timor-Leste, hala’o durante tinan ida. Rezultadu observasaun iha área suku hitu ne’ebé propoin ba parke ne’e hatudu katak área refere iha prezensa dugong iha númeru signifikativu’’
Diretor Konservasaun Internasionál Timor-Leste Manuel Mendes haktuir tan, Konservasaun Internasionál Timor-Leste servisu hamutuk ho Ministériu Agrikultura hodi hala’o servisu antes mai aprezenta iha Autoridade Munisipál Lautém.
‘’ Konservasaun Internasionál Timor-Leste servisu hamutuk ho Ministériu Agrikultura hodi hala’o servisu antes mai aprezenta iha Autoridade Munisipál Lautém,Tanba ida ne’e ekipa husi Konservasaun Internasionál Timor-Leste durante ne’e hala’o servisu iha terenu no hetan ona evidénsia ne’ebé aprezenta ba Autoridade Munisipál Lautém hodi nune’e bele tetu oinsá programa ida ne’e enkaiza ba iha Programa Autoridade Munisipál Lautém nian, liuliu tasi hahu husi Ililai’’
Entertantu :Enkontru kordenasaun ne’e, lao ho diak tamba hetan partisipa husi reprezentante Prezidente Autoridade Munisipál Lautém, Sekretáriu Munisipál Planeamentu, Investimentu no Dezenvolvimentu Integradu (PIDI), Xefe Gabinete Prezidente Autoridade, reprezentante MAPPF liuhusi Diresaun-Jerál Peska, Agrikultura no Jestaun Rekursu, no ekipa Konservasaun Internasionál Timor-Leste, inklui nia Diretór’’Diretor Konservasaun Internasionál Timor-Leste Manuel Mendes
Jornalista;Sili
Editor;El
