Lospalos rcl vp 17-11-2025=Nono Governu Konstitisuional liu husi institutu gestaun ekipamentus (IGE) responde komunidade lore nia prekupasaun hodi halo nomalija Estrada husi diresaun postu lospalos too iha diresaun postu Lore tamba ne’e husu ba komuidade lore atu bele kolabora hamutuk nune’e bele hafasil komunidade sira nia movimenasaun
Administrador postu adminsitrativu lore Domingos dos santos sequeira apresia no agradese ba institutu gestaun ekipamentu (IGE)tamba bele responde ona sira nia pedidu hodi halo ona normalizasaun ba Estrada lore nian ne’ebe kada tinan sai preokupasaun ba komunidade lore.
Tamba nee lider maximu postu administrativu lore husu nafatin komunidade sira hotu atu kolabora ho ekipa IGE atu nune bele normaliza lalais
“ami husu ba IGE katak Estrada lospalos lore kondisaun aat tebes maibe iha parte balun grave tebes nebe fo ameansadu ba vida komunidade tamba nee ami husu atu halo ida neebe perigo los maibe IGE dehan katak labele halo fatin ne’ebe ameansadu deit maibe halo Estrada nee tomak tamba halo Estrada maibe laiha bee dala sei Estrada.Ita agradese tamba sira mos timor oan, ita hotu komunidade ita suporta ba sira ne’ebe serbisu atu nune sira bele konklui, tamba sira nia durasaun serbisu mos 20 dias deit, dadaun nee tama ona ba semana ida, nebe ita espera katak IGE bele konklui Estrada nebe risku tebes ba komunidade sira iha postu lore.”Hateten Apa lore iha nia knar fatin,13/11.
Iha sorin seluk xefe suku lore Segundo Eurico Da Costa mos hateten nia parte lori komunidade lore nia naran hodi hatoo nia agradesimentu ba nonu governu konstitusional tamba bele halo ona normalizasaun estrada lore ne’ebe durante nee difikulta tebes komunidade sira movimentasaun hodi asesu ba merkadu,
“ami nudar lider komunitari reprezenta komunidade ami sente kontente tebes tamba durante nee ita nia komunidade halerik tebes ba Estrada tamba sira lori sira nia produtu ba merkadu mos araska e difikulta ba sira nia viagen kada ves sira hetan dejastre oin-oin balun too mate, tan nee sira nia prezensa ami nudar lider komunitariu kontente no orgulu tebes e fo obrigadu no agradese tebes banonu governu konstitusional liu-liu ba obras publika departementu IGE.”nia agradese.
Atu fo hanoin fali katak prezensa IGE iha postu administrativu lore nee tamba esforsu lider komunitariu, konselihu suku, intelektual sira inklui komunidade lore nian ne’ebe deside liu husi enkontru hodi halo karta pedidu ba IGE atu halo normalizasaun ba sira nia Estrada. Ho sira esforsu nee hetan duni resposta husi IGE no dadaun nee normalizasaun ba Estrada refere lao dadaun. No hetan koperasaun diak tebes husi komunidade sira.
Entretantu Estrada nebe mak ekipa IGE sei halo normalizasaun nee hahu husi lore 2 to’o lore 1 liu-liu sei halo normalizasaun uluk ba parte Estrada nebe graves tebes hafoin hakat ba iha sira seluk. No durasaun tempu serbisu ba porjetu ne’e dentru loron 20 nia laran ho kilometru 6
Jornalista;veru
Editor;El
.
