Lospalos rcl vp 05-11-2025=Prezidente Autoridade Municipal Lautem husu ba Actual Primeiru Ministru Kay Rala Xanana gusmao atu kontinua dezenvolve infrastutura bazika iha munisipiu lautem.
Prezidente Autoridade municipal Melio De jesus, husu ba Primeiru Ministru atu kontinua Dezenvolve infrastutura bazika liu-liu Estrada nasional sira iha munispiu lautem hanesan Estrada nasional Diresaun Postu Administrativu Lospalos ba postu administrative iliomar no lore nune komunidade sira bele asesu ho diak hodi asesu ba merkadu.
“lori komunidade munisipiu lautem ho haraik aan husu primeiru ministru kay rala xanana gusmao atu bele iha tinana oin bele halao lansamentu ba Estrada lospalos iliomar, lospalos lore, Estrada urbana nune mos Estrada buihomau ba luro, hau fiar katak primeiru ministru hamutuk ho ministru obras publika no ministeriu planu estrateziku ho membru kafi tomak sei tau atensaun tomak ba inftastutura bazika iha munisipiu lautem.” Hateten ba iha nia intervensaun hafoin halo lasamentu estrada lautem com, 31/10.
Primeiru Ministru Kay Rala Xanana Gusmao mos afirma katak Governu sei kontinua hadia Infrastutura bazika iha nivel territoriu inklui Munsipiu lautem.
“Horseik ita halo lansamentu iha lautem com no ohin iha lospalos lakleur tan ba fali Estrada husi fuiloru ba tutuala, no sei hare ba iliomar, lore nian maibe labele haluha laos deit munisipiu lautem mak falta buat sira ne’e maibe iha fatin barak sei falta buat sira nee, Nee duni ita buka nei-neik.”
Entretantu: tuir observasaun jornalisata RCL Nota iha terenu katak dadaun nee Estrada husi Capital Munisipiu Lautem ba Postu Administrativu Iliomar, Tutuala, Lore, luro kontinua a’at hodi Difikulta Movimentasaun Transposte Publiku no Privado.
Jornalista;verru
Editor;El
