Lospalos rcl vp 27-08-2026=Autoridade munisipál lautém halao abertura feira produtu lokal iha ámbitu komemorasaun loron konsulta popular 30 de agostu ba dala 27 ,iha kampu Unidade Nasionál Mehara, Postu Administrativu Tutuala, Munisípiu lautém.
Prezidente Autoridade Municipal Melio de Jesus iha Abertura feira produtu lokal ne’e husu ba komunidade lautém oan sira atu kontinua respeita no valoriza sakrifísiu sira ne’ebé hala’o iha prosesu luta ba ukun-rasik-an,nia husu mós komunidade atu servisu hamutuk ho estadu no governu, administrasaun postu administrativu, no líder komunitária sira,hodi kontribui ba dezenvolvimentu iha munisípiu lautém.
‘’Komemorasaun Loron Konsulta Popular Nu’udar Momentu Importante Atu Fó Omenajen No Valoriza Sakrifísiu Inan-Aman Veteranu No Povu Timor-Leste Ne’ebé Luta Ba Ukun-Rasik-An Hodi Haketak Nasionalismu No Konkretiiza Libertasaun Nasional Tamba Ne’e Hau Husu Ba Komunidade Lautém Oan Sira Atu Kontinua Respeita No Valoriza Sakrifísiu Sira Ne’ebé Hala’o Iha Prosesu Luta Ba Ukun-Rasik-An, Nia Husu Mós Komunidade Atu Servisu Hamutuk Ho Estadu No Governu, Administrasaun Postu Administrativu, No Líder Komunitária Sira,Hodi Kontribui Ba Dezenvolvimentu Iha Munisípiu Lautém’’.hateten prezidente autoridade municipal melio de jesus
Entertantu : Aktividade komemorasaun loron konsulta popular 30 de agostu ne’e hahu ona iha loron 24 fulan agostu, no sei remata iha loron 4 fulan setembru tinan ne’e.
Jornalista;Nito
Editor;El
