Lospalos rcl vp 31-10-2026= Família Uma Lisan Caicila Apa, hamutuk ho, Autoridade Munisipál Lautém, hala’o serimónia haloot restus mortais hamutuk na’in 10 iha Suku Lore Primeiru , Postu Administrativu Lore, Munisípiu Lautém.
Reprezentante Prezidente Autoridade Munisipál Lautém, liu husi Sekretáriu Munisipál Planeamentu, Investimentu no Dezenvolvimentu Integradu (PIDI), 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀, hato’o sentimentu kondolénsia kle’an ba família sira ne’ebé lakon sira-nia membru família.
”Hau hato’o sentimentu kondolénsia kle’an ba família sira ne’ebé lakon sira-nia membru família. prezensa hotu-hotu iha fatin ne’e nu’udar forma atu fó omenajen ikus ba saudozu no saudoza na’in 10, ne’ebé sira-nia luta no sakrifísiu kontribui ba povu Timor-Leste nia liberdade no ukun-rasik-an. Tamba ne’e veteranu no veterana sira sei kontinua iha papél importante iha prosesu dezenvolvimentu nasaun nian, liu husi apoiu ba Governu no Estadu atu hametin no promove dezenvolvimentu iha Timor-Leste. Tanba ne’e, nia enkoraja veteranu no veterana sira atu kontinua fó atensaun ba edukasaun oan sira-nian, atu prepara jerasaun foun ne’ebé iha kapasidade atu lidera no dezenvolve nasaun iha futuru. Tamba edukasaun sai hanesan prioridade importante ba futuru nasaun nian.
Iha parte seluk, reprezentante família Uma Lisan Caicila Apa, Major-Jenerál F-FDTL 𝗖𝗼𝗿𝗻𝗲𝗹𝗶 𝗶𝗺𝗲𝗻𝗲𝘀, ne’ebé koñesidu ho naran “𝗠𝗮𝘂𝗻𝗮𝗻𝗮”, hato’o apresiasaun no agradesimentu ba parte hotu-hotu ne’ebé kontribui iha prosesu rekolla no haloot restus mortais to’o iha sira-nia fatin ikus.
”Hau hato’o apresiasaun no agradesimentu ba parte hotu-hotu ne’ebé kontribui iha prosesu rekolla no haloot restus mortais to’o iha sira-nia fatin ikus, tamba prosesu ne’e naruk ona no sai hanesan preokupasaun ba família Caicila Apa, ne’ebé durante tempu naruk hanoin no buka dalan atu asegura katak restus mortais sira hetan fatin haloot ne’ebé apropriadu, ho dignidade no respeitu. 𝘚𝘦𝘳𝘪𝘮ó𝘯𝘪𝘢 𝘯𝘦’𝘦 𝘯𝘶’𝘶𝘥𝘢 𝘰𝘮𝘦𝘯𝘵𝘶 𝘢𝘵𝘶 𝘩𝘢𝘬𝘳𝘶’𝘶𝘬 𝘯𝘰 𝘧ó 𝘳𝘦𝘴𝘱𝘦𝘪𝘵𝘶 𝘣𝘢 𝘧𝘶𝘯𝘶–𝘯𝘢’𝘪𝘯 𝘴𝘪𝘳𝘢 𝘯𝘦’𝘦𝘣é 𝘭𝘶𝘵𝘢 𝘣𝘢 𝘛𝘪𝘮𝘰𝘳–𝘓𝘦𝘴𝘵𝘦 𝘯𝘪𝘢 𝘶𝘬𝘶𝘯–𝘳𝘢𝘴𝘪𝘬–𝘢𝘯. 𝘐𝘵𝘢 𝘩𝘰𝘵𝘶 𝘵𝘦𝘯𝘬𝘦 𝘬𝘰𝘯𝘵𝘪𝘯𝘶𝘢 𝘭𝘦𝘮𝘣𝘳𝘢 𝘬𝘢𝘵𝘢𝘬 𝘭𝘪𝘣𝘦𝘳𝘥𝘢𝘥𝘦 𝘯𝘰 𝘪𝘯𝘥𝘦𝘱𝘦𝘯𝘥é𝘯𝘴𝘪𝘢 𝘯𝘦’𝘦𝘣é 𝘪𝘵𝘢 𝘨𝘰𝘻𝘢 𝘰𝘩𝘪𝘯 𝘭𝘰𝘳𝘰𝘯 𝘩𝘦𝘵𝘢𝘯 𝘭𝘪𝘶𝘩𝘶𝘴𝘪 𝘭𝘶𝘵𝘢, 𝘴𝘢𝘬𝘳𝘪𝘧í𝘴𝘪𝘶, 𝘳𝘶𝘪𝘯 𝘯𝘰 𝘳𝘢𝘯 𝘩𝘰𝘴𝘪 𝘛𝘪𝘮𝘰𝘳 𝘰𝘢𝘯 𝘴𝘪𝘳𝘢,” nia afirma.
Entertantu: luta ba libertasaun envolve família barak iha Postu Lore, inklui família rasik. Tanba ne’e, serimónia haloot restus mortais na’in 10 ne’e sai hanesan símbolu rekoñesimentu no valorizasaun ba sira hotu ne’ebé fó sira-nia moris ba liberdade no soberania Timor-Leste nian.
Jornalista;silisy
Editor;El
