Lospalos rcl vp 26-05-2026= Autoridade Postu Iliomar hamutuk ho komunidade iha iliomar halo seremonia tara bandu hodi hatun despezu tradisaun kultura iha postu administrativo iliomar munisipiu lautem.
Administrador Postu iliomar fernando cardosu de deus hateten, objectivo seremonia tarabandu ida ne’e, hodi hametin unidade no preserva valor tradisionál sira iha iliomar.tamba ne’e husu ba komunidade atu redus kustu despeza kultura
‘’ Objectivo seremonia tarabandu ida ne’e, hodi hametin unidade no preserva valor tradisionál sira iha iliomar.tamba ne’e husu ba komunidade atu redus kustu despeza kultura nian, no konsidera aas tebes liu-liu iha seremonia lia mate no lia moris, no seremónia seluk tan nune’e, bele hare oan sira nia futuru’’
Reprejentante lia nain suku nen iha postu iliomar, adaun teles ximenes hateten, kultura mak identidade povu nian maibé, komunidade tenke halo tuir kapasidade ekonomia família ida-idak nian
‘’ kultura mak identidade povu nian maibé, komunidade tenke halo tuir kapasidade Ekonomia família ida-idak nian tamba ne’e nudar lia nain husu atu evita kompetisaun iha gastos ne’ebé bele lori burdenu todan ba família sira.no ida ne’e laos atu halakon eransa beilan sira nia obra ne’e maibe, atu redus deit kustu despeza iha seremonia kultural nian,
lider komunitaria suku ai lebere libernito gome, no lider komunitaria suku fuat martins pinto informa katak,wainhira atu implementa tara bandu ba kustu despeza ne’e, antes ne’e autoridade postu hamutuk ho lider komunitaria sira halo ona sosialijasaun ho komunidade sira iha suku nen,no liu husi sosialijasaun ida ne’e komunidade sira aseita tamba ne’e sira kon-korda hamutuk hodi halo tara bandu hodi redus kustu despeza ba iha seremonia kultural sira iha iliomar.
‘’ wainhira atu implementa tara bandu ba kustu despeza ne’e, antes ne’e autoridade postu hamutuk ho lider komunitaria sira halo ona sosialijasaun ho komunidade sira iha suku nen, no liu husi sosialijasaun ida ne’e komunidade sira aseita tamba ne’e sira kon-korda hamutuk hodi halo tara bandu hodi redus kustu despeza ba iha seremonia kultural sira iha iliomar’’
komunidade suku fuat jose vieira mos apoiu medida ne’e tanba bele ajuda ema sira atu kontinua preserva kultura la ho kustu boot, nia espera katak liu husi kooperasaun entre autoridade lokal, lia-na’in no juventude sira/ tradisaun kultura iha iliomar bele kontinua moris ho forma simples maibé iha valor no respeitu.
‘’ hu mos apoiu medida ne’e tanba bele ajuda ema sira atu kontinua preserva kultura la ho kustu boot, nia espera katak liu husi kooperasaun entre autoridade lokal, lia-na’in no juventude sira, tradisaun kultura iha iliomar bele kontinua moris ho forma simples maibé iha valor no respeitu
Entertantu: iha seremonia tara bandu ida ne’e laos deit atu redus kustu despeza maibe, iha mos kultura fiar malu nian hanesan, wain hira iha fatin publika tenke fiar malu no la hasai lia fuan mal ba malu, no wainhira komunidade sira ne’ebe, viola regras tara bandu ida ne’e sei hetan Multa ka oho karau, tais no osan ho valor dolares americano atus 5 ba leten.
Jornalista;Nito
Editor;El
