Lospalos 16-08-2026=Autoridade Munisípiu Lautém halo enkontru ho Diretor/a Eskola, Gabinete Apoiu Tékniku (GAT), Koordenador Eskolar no Inspetór sira, hodi haree no avalia lala’ok implementasaun Programa Merenda Eskolar iha eskola sira iha Munisípiu Lautém atu bele tuir prosedimentu ne’ebé estabelese ona,iha Salaun Edukasaun Munisípiu Lautém,
no objetivu ba enkontru ne’e atu fahe informasaun no koordena hamutuk kona-ba implementasaun Programa Merenda Eskolar iha kada eskola, inklui dezafiu no realidade ne’ebé hasoru durante implementasaun programa ne’e iha terenu.
Prezidente Autoridade Munisípiu Lautém melio de jesus hateten enkontru ne’e importante tebes atu haree lala’ok Programa Merenda Eskolar ne’ebé durante ne’e implementa iha terenu tamba ne’e Autoridade Munisípiu Lautém mos iha komitmentu atu hadi’a no haforsa prosesu implementasaun programa ne’e, iha futuru nune’e bele lao ho diak no tuir prosedimentu ne’ebé estabelese.
‘’ Enkontru ne’e importante tebes atu haree lala’ok Programa Merenda Eskolar ne’ebé durante ne’e implementa iha terenu tamba ne’e Autoridade Munisípiu Lautém mos iha komitmentu atu hadi’a no haforsa prosesu implementasaun programa ne’e, iha futuru nune’e bele lao ho diak no tuir prosedimentu ne’ebé estabelese’’dehan Prezidente Autoridade Munisípiu Lautém melio de jesus
Prezidente Autoridade Munisípiu Lautém mós hateten , liu husi enkontru no koordenasaun ho parte relevante sira ne’e , bele identifika klaramente oinsá implementasaun Programa Merenda Eskolar iha kada eskola.
‘’ liuhusi enkontru no koordenasaun ho parte relevante sira ne’e , bele identifika klaramente oinsá implementasaun Programa Merenda Eskolar iha kada eskola.Nune’e, ba oin, programa ne’e bele hala’o tuir dalan no garante fornese hahán ba estudante sira tuir menu ne’ebé estabelese’’ Prezidente Autoridade Munisípiu Lautém melio de jesus
Alende ne’e Prezidente Autoridade Munisípiu Lautém mos halo observasaun no foti desizaun kona-ba mekanizmu jestaun Programa Merenda Eskolar. Nune’e, deside atu hapara mekanizmu grupu komunitária Ekipa Jestaun Programa (EGP) ne’ebé antes eziste, no entrega fali jestaun Programa Merenda Eskolar ba Diretor/a Eskola sira, hamutuk ho Gabinete Apoiu Tékniku (GAT), ne’ebé sei responsavel atu jere orsamentu Programa Merenda Eskolar.
Entertantu :Enkontru ne’e sei sai nu’udar parte ida husi esforsu Autoridade Munisípiu Lautém atu hadi’a koordenasaun, jestaun no implementasaun Programa Merenda Eskolar, hodi benefísiu ba estudante sira iha eskola sira iha Munisípiu Lautém.
Jornalista;silisy
Editor;El
