Lospalos rcl vp 18-06-2026= Autoridade Munisipál Lautém) konvoka enkontru ho membru Konsellu Koordenasaun Munisipál kona-ba Enkuadramentu foun no Planu Mediu Prazu (PMP) 2027-2030, nian no oinsá membru Konsellu Koordenasaun Munisipál bele hatene didi’ak kona-ba enkuadramentu foun ba prosesu Elaborasaun orsamentu 2027, iha Salaun Administrasaun Autoridade Munisipál Lautém.
Prezidente Autoridade Munisipál Lautém nu’udar Prezidente Konsellu Koordenasaun Munisipal 𝐌é𝐥𝐢𝐨 𝐝𝐞 𝐉𝐞𝐬𝐮𝐬 hateten, pontus importante sira ne’ebe rezultadu reuniaun iha Jornada Orsamentu Jerál Estadu 2027.nian ne’e importante tebes,tamba bele foka liu ba iha enkuadramentu foun ba Planu Mediu Prazu 2027-2030.
‘’ pontus importante sira ne’ebe rezultadu reuniaun iha Jornada Orsamentu Jerál Estadu 2027.ida ne’e importante tebes,tamba ne’e enkontru Konsellu Koordenasaun Munisipál foku liu ba iha enkuadramentu foun ba Planu Mediu Prazu 2027-2030,ho relasiona ho Orsamentu Jeral Estadu 2027 nian ne’ebé Autoridade Munisípiu Lautém partisipa reuniaun jornada orsamentu, nu enkuantu matéria sira ne’ebé Autoridade Munisípiu Lautém hetan iha mudansa planu orsamentu 2027, tanba ida ne’e Autoridade Munisipál Lautém konvoka fali reuniaun Konsellu Koordenasaun Munisipál hodi esplika fila-fali nune’e membru sira bele atende kona-ba enkuadramentu foun ba prosesu orsamentu 2027,tamba mudansa mekanizmu enkuadramentu ne’ebé ho razaun finalidade husi mudansa mekanizmu enkuadramentu orsamentu foun, prioridade polítika Governu iha 9 ne’ebé aprova ona liu husi reuniaun Konsellu Ministru (KM), ajustamentu Planu Asaun Annual 2027 ne’ebé sei tuir template padronizadu husi Sua Exelénsia Primeiru Ministru (PM) haruka ona konvite ba linas Ministeriu inklui Administrasaun Autoridade Munisipál sei hein de’it Orientasaun husi Ministériu Administrasaun Estatal (MAE).’’ Prezidente Autoridade Munisipál Lautém nu’udar Prezidente Konsellu Koordenasaun Munisipal 𝐌é𝐥𝐢𝐨 𝐝𝐞 𝐉𝐞𝐬𝐮𝐬 17/06/2026
Prezidente Konsellu Koordenasaun Munisipál ne’e mos hateten,Prioritizasaun Nasionál mai iha pontu 9, primeiru ko’alia kona-ba diversifikasaun ekonómia liu-liu iha setór 4 mak hanesan dezenvolvimentu infraestrutura hanesan Estrada, ponte, Agrikultura, Formasaun no Governasaun.
‘’ prioritizasaun nasionál mai iha pontu 9, primeiru ko’alia kona-ba diversifikasaun ekonómia liu-liu iha setór 4 mak hanesan dezenvolvimentu infraestrutura hanesan Estrada, ponte, Agrikultura, Formasaun no Governasaun,Tanba ne’e, reuniaun Konsellu Koordenasaun Munisipál foku liu ba asuntu Estrada no Ponte sai prioridade dahuluk, tanba dadus ne’ebé hatudu iha actividade Konsultasaun Sidadania 75% husi Estrada Munisilípiu Lautém ne’ebé ho kondisaun ida aat, nune’e Autoridade Munisipál Lautém lori ona ba iha Ministériu Finansas sai Planu Nasionál 2027.’’dehan Prezidente Konsellu Koordenasaun Munisipál Melio de Jesus’’.
Entertantu: membru sira ne’ebé envolve iha Konsellu Koordenasaun Munisipál mak mai husi Diretor/a Servisu Munisipál, Diretor/a Delegasaun Teritorial, Administrador Postu Administrativu 6 iha Munisípiu Lautém no Xefe Suku ne’ebé reprezenta kada Postu Administrativu 6 iha Munisípiu Lautém.
Jornalista;silisy
Editor;El
