Lospalos rcl vp 14-05-2026=Estrada diresaun Iliomar ba Watukarbau kotu tamba hetan estragus husi udan monu rai hodi Prejudika Movimentu Komunidade sira atu ba sira nia tos no natar.
komunidade husi Aldeia Lihina Suku Iliomar Segundu postu administrative Iliomar, munisipio lautém Neto Manuel Januario Soares hateten, Estrada ne’ebe kotu iha sirimana Aldeia oso Hira Suku Iliomar Primeiru ne’e, Difikulta ba komunidade sira atu asesu ba Transporte Publiku
‘’ Estrada ne’ebe kotu iha sirimana Aldeia oso Hira Suku Iliomar Primeiru ne’e, Difikulta sira atu asesu ba Transporte Publiku wainhira atu Asesu Anguna ho Bus atu ba Lospalos no Dili, tamba ne’e ami husu nafatin ba obras Publika atu Normalija fila fali estrada ne’e, nune’e bele fasilita komunidade sira nia movimentu ba mai,liu-liu Agrikultur sira bele asesu estrada ne’e ba sira nia tos no natar.
Relasiona ho estrada kotu ne’e Administrador Postu Iliomar, Fernando Cardoso dedeus mos hateten , nia parte rekonhese duni komunidade sira nia preukupasaun tamba komunidade sira la bele asesu Transporte publiku tamba estrada kotu impaktu husi korenti mota hodi estraga ponte ida iha sirimana hetan erosaun.
kondisaun estrada kotu ne’e, nia parte informa ona ba obras publika lautem maibe sei dauk iha intervensaun ruma husi obras publika.
‘’hau Rekonhese duni komunidade sira nia preukupasaun tamba komunidade sira la bele asesu Transporte Publiku tamba estrada kotu impaktu husi korenti mota hodi estraga ponte ida iha sirimana hetan erosaun.ho kondisaun estrada kotu ne’e,nia parte informa ona ba obras publika Lautem maibe sei dauk iha intervensaun ruma husi obras publika.
Relasiona ho kondisaun estrada kotu ne’e, jornalista sira tenta komfirma Director obras publika munisipio lautem, abraun vieira liu husi via telefone hateten katak,iha semana kotuk nia parte simu ona kontaktu husi administrador postu iliomar atu halo normalija fila fali estrada refere , maibe tamba ekipamentus pegada iha hotu nasional, no nia parte informa ona ba nasional no hein deit.
No estrada ne’ebe kotu iha sirimana aldeia oso hira ne’e, fo asesu ba populasaun hamutuk ema nain rihun idaa, atus nen rua nolu resin walu ne’ebe maka asesu estrada ne’e ba sira nia tos no natar.
‘’ Relasiona ho kondisaun estrada kotu ne’e, parte redasaun kinfirma ona husi via telefone ba director obras publika munisipio lautem, abraun vieira informa katak, iha semana kotuk nia simu ona kontaktu husi administrador postu iliomar maibe, obras sei dauk bele halo normalija fila fali estrada ne’e,tamba ekipamentus pegada iha hotu nasional, no nia parte informa ona ba nasional no hein deit,no estrada ne’ebe kotu iha sirimana aldeia oso hira ne’e, fo asesu ba populasaun hamutuk ema nain rihun idea, atus nen rua nolu resin walu ne’ebe maka asesu estrada ne’e ba sira nia tos no natar.
Entertantu: estrada ne’e kotu iha loron quarta feira semana kotuk,no to’o agora komunidade sira tenke lao ain kuaje kilometru lima resin hodi asesu ba transporte publiku hanesan anguna ho buss.
Jornalista;Nito
Editor;El
